Greenpeace talde ekologistak salaketa pausatu du Auzitegi Nazionalean, Espainiako Gobernuko Trantsizio Ekologikorako eta Erronka Demografikorako Ministerioaren eta Eusko Jaurlaritzaren kontra, Urdaibaiko Biosferan Guggenheim museo berria eraikitzeak Kostaldeko Legea urratzen duelakoan. Zehazki, Muruetako padura edo inta eremu gerizatua 100 metrotik 20ra murriztuko dela salatzen du erakunde ekologistak.

Gerizatua den eremua ez errespetatzeak ez luke bakarrik Kostaldeko Legea urratuko, baina Europako legedia ere bai, ezen, Urdaibaiko padurak Red Natura 2000 eremu babestuan aurkitzen baitira, Greenpeacen arabera.

Lorea Flores, talde ekologistak Hego Euskal Herrian duen eledunak erran du ingurugiroa suntsituko ez duten proiektuak hobetsi behar direla. Haren erranetan, “ezin dira interes pribatuei erantzuten dieten proiektuak diru publikoarekin sustatu, herritarren parte-hartzerik gabe eta herritarren kaltetan”.

Guggenheim berria bi egoitzaz osatualitzateke, eta hau...

Donostian bada elkarte bat, Kaleko Afari Solidarioak (KAS) deitzen dena. Izenak dioen bezala, talde honek afariak banatzen dizkie etxerik eta baliabiderik ez duten jendeei. Hiru gune desberdinetan ematen dira afari horiek: Egia auzoan, Amaran eta Alde Zaharrean. Joan den astean, polemika handia piztu da karitatezko ekintza horren inguruan.

Urriaren 21ean, astelehena, ekimen solidarioaren kontrako elkarretaratzea egin zen, neholako baimenik gabe. Hastapen batean, segurtasun gehiago eta delinkuentzia murriztea galdegiteko deitu zuten protesta, sare sozialetan, eta PPko hiru hautetsik parte hartu zuten. Ertzaintza ekintzaren lekura joan zen eta sei lagun identifikatu zituen.

KAS taldeak protesta mugimendua izanen zela jakin zuenean, oren erdi batez aitzinatu zuen afariak emateko tenorea, beharretan direnei usaiako laguntza eman ahal izateko eta kalapitak saihesteko, konfrontazioa ez baita haien egin moldea.

Handik bi egunen buruan, Kaleko Afari Solidarioak taldeak Egi...

Gernikako Estatutua 1979ko urriaren 25ean onartua izan zen, duela 45 urte beraz. Urteburu horren karietara zabaldu duen mezu batean, Imanol Pradales EAEko lehendakariak baieztatu du urrats hura “jauzi kualitatiboa” izan zela, “diktaduratik demokraziara, zentralismotik autogobernura” pasatzea ahalbidetu zuena. Halaber, gaur egungo Euskadi 1979koa baino hobea dela segurtatu du lehendakariak. Hala ere, 45 urte pasatu ondoan, Pradelesek uste du autogobernurako “jauzi kualitatibo berri bat” beharrezkoa dela, oraingo jendartea ordukoarengandik arras desberdina delako, eta ondorioz, behar berriak agertzen baitira.

1979an abiatu zen prozesua bururaino eraman eta Estatutua bere osotasunean bete behar dela azpimarratu du lehendakariak: “Nekez egin daiteke aurrera itun berri baterantz, aldez aurretik adostutakoa bete ez bada”.

Ildo horretan, buruzagia kezkatua agertu da, transferitu gabe dauden 29 eskumenak eskualdatzeko zailtasun handiak daudelako. Bereziki aipatu ...

Gernikako Estatutuak 45 urte bete eta biharamunean, Lehendakaritzako iturriek jakinarazi dute Lankidetzarako Bitariko Batzorde Iraunkorra azaroaren 6an elkartuko dela Madrilen, eskualdatzeko dauden 29 eskumenen transferentzia akuilatzeko xedez. Bilkura horretan parte hartuko dute Imanol Pradales Eusko Jaurlaritzako lehendakariak eta Pedro Sanchez Espainiako Gobernuko presidenteak. Batzar hau irailaren 20an bi agintariek hartu engaiamenduaren emaitza izanen da.

Azaroaren 6an landuko diren eskumenak dira: kostaldearen kudeaketa, migratzaileen lan baimenak, itsas salbamendua, meteorologia, lan arloko osasun eta segurtasuna eta zinematografia babesteko funtsa. Sei eskumen hauek urte hondarra aitzin eskualdatzeko esperantza dute agintariek.

Gainerako transferentziak heldu den urtean eskualdatuko dituzte. Gizarte Segurantzarena da denetan zailena, baina Jaurlaritzak ez dio uko egin nahi. Gisa horretan, 2025 bukaerako transferentzia guziek eginak izan beharko lukete, EAJk PSOEr...

Aralarko Done Mikel santutegiak eraso bat jasan du urriaren 26ko goizaldean. Nafarroako Eliza katolikoak salatu duenaren arabera, ezezagun batzuk juduen ikur den Daviden izarra margotu dute atean, eta “jude” idatzi dute izarraren azpiko aldean. Gero, su eman diote ateari.

Elizak deitoratu du “Nafarroako zentro espiritual zaharrenetako eta errorik handienetako batek” erasoa jasan izana. Foruzaingoak, bere aldetik, gertakaria lehenbailehen argitzeko esperantza du, eta “tolerantziaren eta errespetuaren alde” egitera deitu du. Aralarko Done Mikel santutegiak geroan ere ateak zabalik izanen dituela adierazi du, historia, debozioa, kondaira eta artea uztartzen dituen gunera biltzen diren fededunak, beilariak eta bisitariak errezibitzeko.