Herriz Herri - Angelu (L) | 2024ko Azaroaren 28a
Koru kontzertua
Abenduaren 1ean (17:00), Vocanti emazte koruak kontzertua emanen du San Leon elizan. Nathalie Harel izanen da zuzendaria eta Salomé Magnier harpe jolea. Sartzeak 10 euro kostako du.
3773. zbk
Gure Hitza | 2024/11/28
Gauaren erdian eguzkia
Peio Jorajuria
“Mundu honetan bagabiltza
infernuaren teilatu gainean
loreeri so eginez”
du idatzia Kobayashi Issa japoniar olerkari maisuak (1763-1828). Hitz gutitan deskribatzen du munduaren egoera: infernua, baina ere loreak.
Denek dakigu, lehen bezala orain ere, mundua zein gaizki doan. Haize tzar batez gelditu gabe joa, alde guzietatik, aire gaixtoak egiten duenaren gisan. Munduaren martxa, abiatu berria den Vendée Globe itsas lasterketari konpara dezaket: mariñelek memento askotan itsasoaren bolada gaiztoeri buru egin behar duten bezala, guk ere mariñelen gisan buru egin behar diegu mota guzietako ekaitzeri: uholde, kutsadura, eritasun, langabezia, suntsiketa soziala, laborantzako lurren ohoin...
