Iragan lasterketa

Azaroaren 17an, bi lasterketa antolatuak ziren Donamartirin. Lehen itzulia 20,5km luzekoa, 820m desnibelarekin eta 215 parte hartzailerekin (168 gizon eta 47 emazte). Gizonetan, hauek izan dira hiru lehenak: Robert Loic (oren bat eta erdi), Lago Kévin (oren bat eta 34 minuta) eta biziki hurbil Téchené Samuel. Emaztetanaldiz: Pagnet Emilie (bi oren eta minuta bat), Follioley Melanie (bi oren eta lau minuta) eta Camille Naome (bi oren eta zortzi minuta). Itzuli huntan bazen herritar bat, Etchegoyen Iban (oren bat eta 54 minuta).

Bigarren itzulia 13km luzekoa, 430m desnibelarekin eta 161 parte hartzailerekin (100 gizon eta 61 emazte). Gizonetan hauek izan dira hiru lehenak: Saint Pierre Pascal (53 minuta), Bonneau Tony (minuta bat berantago), eta gero biziki hurbil Guilçou Michel. Emaztetan berriz: Duhart Carole (oren bat eta bost minuta), Martin Olivia (oren bat eta zortzi minuta) eta Bercaits Maylis (oren bat eta hamar minuta). Itzuli huntan baziren bi herritar, Jon Oillarburu zortzigarren (58 minuta) eta Aphecetche Romain 121garren (oren bat eta 32 minuta).

Hirugarren itzulia bi kilometrokoa izan da, 40 bat haurrek parte hartu dute.

Gaualdi feminista

Emazteei egindako bortizkerien kontrako egunaren biharamunean, Arberoan Zehar elkarteak zine eztabaida gaualdia proposatzen du Donamartiriko Bil Etxea gelan. “Annie Colère” filma proiektatuko da lehenik, gizartea aldatu duen borroka baten historia, abortuaren gaiaren inguruan elkar trukaketak izan aitzin. Sartzea urririk, eta bakotxak ekartzea jatekoa eta edatekoa zehazten da.

Urtaroa Arberoan

Usaian bezala, Donamartiri, Donoztiri eta Izturitze herriek 3 data proposatzen dituzte euskararen hamabostaldia kari. Azaroaren 29an ostiralez, literatur gaualdia proposatua da Donamartiriko Bil Etxea gelan, (17:00) ipuin kondaketa batekin haurrentzat eta (19:00) herritarra den Bea Salaberrik aurkeztuko du “Mesfida zaitez” bere azken liburua. Biharamunean, azaroaren 30ean larunbatez, Donoztiriko Beti Xutik gelan, (14:30) mus eta mutxiko iniziazio momentuak eskainiko dira. Abenduaren 3an asteartez, Izturitzeko Artetxean “Mirande” filma proiektatuko da.

Donamartiriko arrabestak

Abenduaren 7an larunbatez, Donamartiriko arrabestak antolatzen dituzte herriko gazteek. Herritarrentzat bazkaria proposatua da, eta ondotik brasildar gaualdia. (19:00) wrap ogitartekoak jaten ahalko dira eta (21:00) Tudo Bem DJak alaituko du mozorroturik hurbiltzen ahal den gaualdia.