Herriz Herri - Urepele (NB) | 2025eko Urtarrilaren 30a

Heriotze - Kantaskari - AIBAko biltzar nagusia

Heriotze

Egun hauetan Sorogaineko artzain mundua bortizki joa da. Baigorriko 81 urte zituen Agnès Errotabehere eta 65 urte zituen Hélène Ospital zendu diren etxaldeetako artaldeen udako alapideak, Aitattokoeta Joanes Antchagno zenaren etxolen inguruetan kokatzen dira. Bi familiak hemen gaindi ongi ezagutuak direnak. Ez da dudarik, duela zonbait egun joan zaukun Mixel Xabaldor zenak agur sentikor bat egin diela bieri zeruko mendi atean betiereko bizia kantatuz. Doluminak bi familieri.

Kantaskari

Otsailaren 2an, hilabeteko lehen igandean goizeko 10etan, Beixiloenean kantu askaria iraganen da.Kantuz aritzea maite duten guziak gomit dira.

AIBAko biltzar nagusia

AIBA elkarteak bere urteko biltzar nagusia otsailaren 8an, Amerikanoenean (20:00) eginen du.Hor aipatuak izanen dira elkartearen urteko gorabeherak.Jendea saldoan jin dadila.

Email Buffer Facebook Google Twitter Pinterest LinkedIn Digg StumbleUpon Tumblr

3781. zbk

Gure Hitza | 2025/01/30

Munduaren bihotzean zentinelak

Peio Jorajuria

Eguberri aitzinttoan, bizi naizen herriko emazte bat gurutzatu nuen eta solasetan hasi ginen. Suharki mintzatu zitzaidan Parisen gaindi egin berri zuen itzuliaz. Ez zen, ez, harat turista gisa joana, ACAT (Action des Chrétiens pour l'Abolition de la Torture) erakundearen 50. urtemugaren ospatzera baizik. Zeren erakunde horretako kide da, Baionan direla hilabetean behin biltzen, eta gainera Frantziako bulego nazionaleko kide ere da. Hauxe ene harridura! Banekien besteak beste mendizalea zela, euskal kantua ere maite zuela, koru batean kantatzeraino. Baina militantziaren alderdi hori ez nion batere ezagutzen. Eta hari esker gehixeago jakin dut ACAT erakundeaz, orain arte, egia erran, Euskal Herriko Torturatuen Sareaz eta ere Torturaren Aurkako Taldeez (TAT) nuela gehiago oihartzun, ACAT hortaz baino.

Nazioarteko Amnestyren kanpaina bati esker, munduan gaindiko torturaren hedadura ikaragar...

Irakurri segida


Gurekin harremanetan sar




segurtasun kodea

Herria Euskal Astekaria - Landagoien - 875, Landagoieneko errepidea - 64480 UZTARITZE | tel: 05 59 25 62 85 | herria@wanadoo.fr

Legezko oharrak | Diseinua eta programazioa: iF Diseinuak - 2016