Euskaraldia maiatzaren 15etik 25a arte iraganen da. Arberoa ibarreko herri eta elkarteek egitarau aberats eta anitza proposatzen dute.

Maiatzaren 16an ostiralarekin bertso afaria proposatua da Izturitzeko Artetxean. Jon Maia eta Sustrai Colina entzuteko, tokiak erreserbatu 06-31-64-60-88 zenbakira deituz.

Maiatzaren 18an igande goizarekin, pilota esku-huska ezkerpareta xoko txapelketa proposatua da Donoztiriko Sanokin. Abarratia eta Denek Bat elkarteek antolatzen dute, 2 maila gazte eta helduentzat, izenak tokian berean hartuko dira (9:00).

Maiatzaren 20an (19:00), mintzaldia proposatua da Donoztirik Sorhapuru etxean Eñaut Etxamendiren obraz Itziar Madinak egin tesiaren aurkezpenarekin eta Eñaut Etxamendiren presentziarekin.

Azkenik, maiatzaren 21ean igande goizarekin ibilaldia proposatua da Donamartiriko plazatik (10:00) abiatuko dena. Marie-Luce Garat eta Jean-Marc Durruty herri kondalariak Arberoako historiaz arituko dira. Bukatzeko piknika partekatu baten inguruan finituko da.

Beraz, txapak hartu eta zatozte nonbrean!