Kostaldean | 2020eko Ekainaren 25a

Portuan ito

Donibane Lohizunen, portuko erretegiaren ondo hortan agertu da itorik hila zen gizon baten gorputza. Laster jakin da 50 urteko arrantzale bat zela, Oléron ugarteko "Marjanic" barkuarekin artetan jiten zena gure eskualde huntarat. Bost egun lehenago desagertua zen, itsas-untzi hori Donibanerat heldu orduko. Geroztik nehork ez ikusia. Noiz eta nola eroria urerat, nehor ohartu gabe gainerat, untsa neke da xuxen finkatzea.

Kostaldean | 2020eko Ekainaren 25a

Gorriz eta beltxez

Aurten, Donibane Lohizunen, ez da Jondonane bestarik izan, untsa gauza peningarria zinez, bainan ezin bestela egin. Horiek hola, iragan asteburuan sendi zen halere halako besta aireño bat. Ortziralean jadanik jende asko merkaturat agertu dira gorri eta beltx jauntziekin, kolore horiek izanki bestetakoak. Hori ikusiz beste frango berotu dira eta gisa bereko jauntziak soinean ikusi dira larunbatean eta igandean. Jatetxetan ere gisa bereko giroa.

Kostaldean | 2020eko Ekainaren 25a

Itsasoan itzuli bat

"Buruxkan" itsas-untziak berriz abiatu ditu bere joan-jinka itzuliak Donibane Lohizune eta Ziburuko badian. Iragan asteburuan ibilaldiak egin ere ditu jendeak gorri eta beltxez bezti, bestalde aipatzen dugun besta giroa gogoan. Hauxe da gauza berri bat, iluntxetan ateraldiak eginen dira zintzur bustitze batekin. Tokiak aitzinetik hartu behar. Xe h e t a s u n gehiagorentzat, deitu 06 11 69 56 93.

Kostaldean | 2020eko Ekainaren 25a

Kolpeka

D o n i b a n e Lohizunen, igande goizaldeko biak irian, gauak gau beraz, bi gazte andana, zonbait Baionatik etorriak, elgarri oldartu dira eta tirahala joka hasi. Zonbait egun lehenago jadanik kalapitan arizanak bide ziren bainan Baionan. Poliza etorri denean, badira kaxketaduneri mendekatu direnak. Gertakari latza! Ondo hartako jende asko iratzartu ere dira eta harrituak egon.

Kostaldean | 2020eko Ekainaren 25a

Abbadia idekitzen

Hendaian, hiru hilabete pasa zerratua egonik Abbadia jauregia berriz idekiko da uztailaren lehenean. Txartelak aitzinetik hartuz Interneten bidez. Aurpegia maskatua beharko da izan eta, multxoka ez dute hartuko aldian 14 lagun baino gehiago.

Kostaldean | 2020eko Ekainaren 25a

Udari agur Hendaian

Ez dira orainokoan usaiako besta eta ikusgarriak muntatzen ahal. Hendaian hitzordu berezi bat muntatzen ari dute haatik uda sasoinaren agurtzeko ahal bezen airoski, eta hori hiru egunez segidan, uztailaren 11tik 13rat. Asteburu alegera behar litake, zirko, esku-joko, musika, antzerkitxo eta beste, talde ezagutu zonbaitekin. Ausagailu guziak kanpoan eta denak urririk bainan tokiak aitzinetik segurtatuz eta oraiko ustez denek aurpegia maskatua atxikiz.

Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016