Han eta Hemen | 2018ko Uztailaren 12a
Euskal Herriko Garapen Kontseilua lanerako prest.
2018ko ekainaren 29an iragan da Itsasun Garapen Kontseiluaren biltzar nagusia. Aurten antolaketan berrikuntza batzuk badira, lehenik elkarte berri anitz sartu dira, 110 mugimendu dira partaide (222 pertsona), 2 ordezkari behar dituztela, gizon-emazte parekotasuna plantan jarriz. Bestalde berrikuntza, lehen aldikoz edozein herritar sartzen ahal da bere izen propioan nehor ez duela ordezkatu behar, 89 pertsona sartu dira bide hortarik.
Zuzendaritza berri bat osatuko da 63 kide izanen direlarik, 43 pertsona mugimenduen ordezkariak eta 20 herritar xumeak. Euskal Elkargoarekin lankidetzan ariko da, hunek bozkatu zuen 2018ko urtarrilean, Garapen Kontseilua partaide izan behar zela. Euskal Herriko Garapen Kontseiluak jendarte osoaren ahotsa izan nahi du, proiektu konkretu batzuk proposatuz gero Euskal Elkargoak onartuta, hautetsiek plantan jarri beharko dituztenak. Ipar Euskal Herriko populazioa handituz doa (3.000 jende berri urtero), hunek erran nahi du beharkizun berri batzuk agertzen direla, besteak-beste arlo hauetan: etxebizitzak, garraioak, zerbitzu desberdin batzuk eskastuko direla. Hau guzia kokatzen da Euskal Elkargoak martxan jarri behar duen lurralde proiektu batean.
Uztailean iraganen den Euskal Elkargoko biltzar orokorrak onartu beharko du Euskal Herriko Garapen Kontseilu berriaren admnistrazio kontseilua. Ondokotik Garapen Kontseiluko zuzendaritza berria lanean hasiko da, presidente berria hautatuko duela.
