Herriz Herri | 2026ko Uztailaren 16a

Otsanzko beila - Herriko bestak - Pilota

Otsanzko beila

Urte oroz bezala uztailaren 22an santa Madalena kari eginen da Otsanzko beila, Uztaritze, Zuraide eta Senpereren juntan den kaperan. Meza izanen da (18:00). Beilara oinez joan nahi dutenentzat hitzordua emana da Uztaritzeko eliza aitzinean (14:30). Bi orenen bidea oihanean barna, ez sobera zaila. Hartu halere oinetako onak eta edariak.

Herriko bestak

Herriko bestak hurbilduak ditugu eta aurtengoen egitaraua honela...

Herriz Herri | 2026ko Uztailaren 09a

Kontseiluko biltzarra - Estreinaldi - Igerilekua - Pilota

Kontseiluko biltzarra

Joan den ortzegun arratsaldean iragan da Lapurdin, 25 hautetsi bertan zirela. Hasieratik oposizioa kexatu da komunikazio eskasarengatik eta ondorioz kontra bozkatu du lehen gaian, gai hori zela: herriko kontseiluaren barne araudien onartzea. Gero beste gai guziak aho batez onartuak izan dira:

- Oihanarentzat udal kanpoko batzorde baten sortzea, hautetsi, ONF erakundeko eta ihiztarien ordezkariekin.

- Baserri garapenarentzat eta...

Herriz Herri | 2026ko Uztailaren 02a

Ur Begiren berri - Dantzaldi - Elkarteen eguna - Erakusketa eta mintzaldi - Pilota

Ur Begiren berri

Elkartearen mendi sekzioak, bere animatzaile beteranoeri esker, mendiko egonaldia ederki prestatua zuen Pirinio garaietan. Luzen kanpamendu basea jarri ondoan, ibiltariek Hautacam, Gavarnia eta Troumouseko zirkoak ezagutu eta kurritu ahal ukan dituzte; preziatu ere azken elurrak, ur jauziak, basihizi saldoak, marmotak, sarrioak... denak ziren ikusgarriak arnasa mozteko heinekoak. Botanikari adituek 25 lore mota bildu eta katalogatu dituzte! Zer loria!...

Herriz Herri | 2026ko Ekainaren 25a

Herriko Etxearen deiadarra - Kermeza - Ganer huste - Estreinaldi - Elektrika mozte - Erakusketa - Pilota

Herriko Etxearen deiadarra

Piero Rouget auzapezak deiadar hau luzatzen die deneri. Zirga bide sargian den Arki Larroulet irindegi ohia 2022az geroz likidazio judizial baten peko da, oraino prozedura bururaino heldu gabe, Baionako auzitegi komertzialak izendatu bulegoak lana bukatu ezean. Anartean eraikuntza bera bertan behera utzia da eta molde horrek eman dezake nornahiri tokia okupatzeko gogoa. Auzapezak garbiki jakinarazten du eraikuntza hori biziki lanjerosa...

Herriz Herri | 2026ko Ekainaren 18a

Eskuz Esku elkarteak 50 urte - Uztaritzeko kermeza - Liztor asiatikoaren kontrako borroka - Berote handieri buruz - Erakusketa

Eskuz Esku elkarteak 50 urte

Ekainaren 6an Eskuz Esku elkarteak bere 50 urteak ospatu ditu. Elkarteak gaur egun 170 bat kide ditu denak hirugarren eta laugarren lerroan adinez. Meza saindu batekin hasi da eguna Jondoni Bixintxo elizan. Edmond Etcheverry lehendakariak ongietorri beroa egin du hasieran. Bere mintzaldian Jean Mixel Barnetche apezak azpimarratu du elkartasunaren balioa gure bizian. Meza ondotik denak bildu dira Jatsuko trinketean zintzur bustitze eta...

Herriz Herri | 2026ko Ekainaren 11a

Parropiatik - Etxeparea zelaia berritua - Suhiltzaileen besta eguna - Filma - Musikaldi - Pilota

Parropiatik

Heldu den igandean bi kermeza izanen dira parropian, biak batean, Haltsun eta Larresoron. Bietan mezak tenore berean (10:30), Haltsuko elizan “Labourdins” elkarteko soinulariekin eta Larresoron poli-jarduera gelan, Inthalatzeko soinulariekin. Haltsun ondotik izanen da danborrada eta zintzur bustitzea herriko gelan, Larresoron aldiz bazkaria ere ondotik. Txartelak eros ditaizke aitzinetik Internet bidez eta salgai ere dira Herriko Etxean. Bazkalondoan...