Hegoaldean | 2020eko Martxoaren 19a

Koronabirusa: Eusko Jaurlaritza zorra handitzeko prest

Eusko Jaurlaritzaren hitzetan, euskal enpresek ez dute pairatzen birusaren eragina, “momentuz”. Arantxa Tapia Ekonomiaren Garapeneko sailburuak erran du, gaur-gaurkoz ez dela horniketa arazorik enpresek “bide alternatiboak” bilatu dituztelako. Beraz, azpimarratu du “goizegi” dela aparteko neurriak martxan jartzeko. Hala ere, gobernuak aitortu du arazo batzuk sor daitezkeela salgaien alorrean batez ere, eta horiei aurre egiteko hainbat neurri prest ditu: horien artean, ...

Hegoaldean | 2020eko Martxoaren 19a

Erkidegoak 1.353 milioiko kupoa ordainduko dio estatuari, 2019ari dagokiona

Euskal Erkidegoak, Kupoaren 1.353,1 milioi euro ordainduko dizkio Espainiar Estatuari transferitu gabeko eskumenengatik, 2019ko ekitaldiari dagokion zenbatekoa. Bi ordezkaritzek 13 akordio sinatu dituzte finantza, zerga eta aurrekontuen egonkortasunaren arloetan. Eusko Jaurlaritzaren arabera, legealdia Espainiako Estatuarekin harremanak "ordenatuta" amaituko da, zergen eta finantzen ikuspuntutik.

Hegoaldean | 2020eko Martxoaren 19a

Gure Esku: erreferendum baten aldeko sinadura bilketa

Gure Esku plataformak sinadura bilketa jarri du abian, bai internet bidez, bai aurrez aurreko ekitaldietan, EAE, Nafarroa eta Ipar Euskal Herriaren "etorkizun politikoa" erreferendum bidez erabaki ahal izateko, "erabakitzeko eskubidea arautzeko helburuarekin". Bi hitzordu aurreratu ditu: maiatzaren 16an, Durangon (Bizkaia), "mobilizazio egun handia" izanen da, eta ekainaren 13an, "Hamaika gara eguna" ospatuko da herri eta eskualdeetan.

Hegoaldean | 2020eko Martxoaren 19a

Zaldibarko lita

Zaldibarko hondakintegiaren inguruko herrietako bizilagunak kalera atera dira, beste behin, beren haserrea adierazteko eta Eusko Jaurlaritzari erantzukizunak eskatzera. Otsailaren 6an etorri zen behera zabortegia, eta ordutik bi langile, Alberto Sololuze eta Joaquin Beltran, desagertuta daude. “Zaldibar Argitu!” herri elkarteak hiru orduko lanuztea deitua zuen litaren kudeaketarekin "nazkatuta" daudela adierazteko eta "arduradunek behingoz aurpegia eman dezatela" eskatzeko.

Hegoaldean | 2020eko Martxoaren 19a

Edozein terrorismo ekintza ez gaitzestea "onartezina" dela adierazi du Urkulluk

Eusko Jaurlaritzak elkarretaratzea antolatu du Gasteizko Florida parkean, Terrorismoaren Biktimen Europako Eguna dela eta. “Gizartea eta biktimak elkarrekin oraina eta etorkizuna eraikiz” lelopean Iñigo Urkullu lehendakariak deklaratu du, “hiltzea gaizki egon zela”, eta gizartearentzat, "onartezina" dela "terrorismoak iraganean edozein siglarekin egindako hilketen eta giza eskubideen urraketen bidegabekeria ez aitortzea, bereziki ETAk egindakoak", adierazi du. "Iraganeko ...

Hegoaldean | 2020eko Martxoaren 19a

Simplyren hamar supermerkatu erosi ditu Eroskik

Sabeko Banaketa taldearekin akordioa egin du Eroski kooperatibak. Merkatu arautzailearen baimena behar du operazioak. Gauzatzen denean, Eroskik zaharberritzeak eginen ditu dendetan. Guzira, 8.500 metro koadroko azalera bereganatuko du erosketa horren bidez. Kooperatibak erran du supermerkatu horretan diren langileen enpleguak zainduko dituela, eta egungo lan baldintzak ere bai. Eroskik gogoratu du 2020. urtean 75 saltoki berri zabaltzeko helburua duela.

Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016