Hegoaldean | 2026ko Urriaren 01a

Heko moneta heldu da Hego Euskal Herrira

Iparraldean Euskoa den bezala, Hegoaldean ere euskal moneta izanen da laster, “Heko” izenekoa. Oarsoaldean eta Baztanen hasiko dira erabiltzen Eguberri inguruan, eta geroago Hego Euskal Herri osora zabaltzeko xedea dute ekimena plantan ezarri dutenek.

Heko bakoitzak euro baten balioa izanen du eta moneta horren bidez pagatzeko hiru molde izanen dira: 1, 2, 5, 10, 20 eta 50 Heko-ko billeteak; Hekopay aplikazioaren bidez; QR bat duen txartela.

Hegoaldean | 2026ko Irailaren 24a

Bernedoko udalekuak auzitegian

“Sarrea Euskal Udaleku Elkarteko” hamabortz begirale eta arduradun ikertuetarik hamar deitu ditu Gasteizko 3. Instrukzio Auzitegiak epailearen aitzinean lekukotasuna eman dezaten. Ertzaintzaren eta Gasteizko prokuradorearen ikerketen arabera, udalekuen arduradunei ustez sexu izaerazko delituak, erakuskeria eta derrigortze-delitua adingabeei jasanaraztea leporatzen zaie, Euskal Herriko zein Espainiako Erresumako anitz hedabideren arabera. Ikerketa penalaren oinarrian hogei familia inguru...

Hegoaldean | 2026ko Irailaren 24a

Belateko tunela lozorroan

Aldi huntan, Belateko tunelek ekarri dute inarrosaldi beltza! Maria Txibite lehendakariak jakinarazi du Acciona-Oses enpresa taldearekin Gobernuak sinatu lanen kontratua hautsi eta lehiaketa berria abiatuko duela. Gobernuak eta enpresa taldeak sinatu aitzinkontuaz gorago 9 milioi euroko ordainketa zetorkeen eta hori, legea bortxatu gabe, ezin dela ordaindu azaldu du. Legea bortxatu gabe eta Nafarroako Ogasunaren zor-ziloa handitu gabe. Udaz geroztik, lanik ez da egin N-121-A errepidean,...

Hegoaldean | 2026ko Irailaren 24a

Geroa Baik Uxue Barcos Nafarroako lehendakarigai

Heldu den urteko maiatzeko hauteskundetarako hautagai dantza argitzen ari da. “Geroa Bai” osatzen duten taldeek, berretsitako proposamenaren arabera, berriz ere, Uxue Barcos izanen da zerrendaburu. Jakin dezagun, 2015 eta 2019 artean Nafarroako lehendakari izan zela. Egun, Espainiako Senatuan, Nafarroak duen ordezkarietarik bat da, ez bozkaemaleen hautuz, bainan Nafarroako Parlamentuak horrela izendatu duelako. Alabainan, bada idatziz ez, baina praktikan usu betetzen den ohitura bat...

Hegoaldean | 2026ko Irailaren 24a

Donostiako nazioarteko zinemaldia

Abian da Donostiako Zinemaldiaren 74. ekitaldia. Etxetik haste, azpimarratzekoa da Jose Luis Rebordinos, Zinemaldiak 2011z gero zuzendari izan duenari egin azken agurra… bere zuzendaritzapeko 16. ekitaldian. Aurten, orotara, mundu zabaleko 47 herrialdetarik heldutako 263 filma dira ikusgai eta horietarik, 17 lehiatuko dira sail ofizialean, Urrezko Maskorra nork lortuko duen. Euskal Herriko zinemagintzaren lekuko, 31 filma ikusi ahal izanen dira. Zinemaldia, nazioartean, goi-mailako...

Hegoaldean | 2026ko Irailaren 24a

Kantauri itsasoak su

Udak, aurten, inoiz izan diren tenperaturarik beroenak eman dizkigu. Euskal itsas bazterretako urak ere sobera berotu dira. Kantaurin, tenperatura batez bertze 23,4°C-koa izan da. Urik beroena, abuztuaren 17an, Bizkaian, Matxitxako lurmutur parean, 26,1°C-koa. Datu bilketa egiten denez geroztik, lehen aldia, beraz, 26°C-ko muga gainditu dela. Orain arteko beroena, punttu berean, 2018. uztailaren 14koa izan zen, 25,5°C-rekin. Are gehiago, aurten, egunez egun, beroaren beroaz, gauaren...