Hegoaldean | 2025eko Abenduaren 11a

Ekonomia

Eustat estatistika erakundearen azken datuek erakusten dutenaren arabera, EAEko Barne Produktu Gordinak %2,3ko hazkundea izan du aurtengo hirugarren hiruhilekoan eta 13.450 lanpostu sortu dira azken urtean Araba, Bizkaia eta Gipuzkoan.

Lurraldeka begiratuz, Bizkaiak ezagutu du BPGarengehikuntzarik handiena (%2,5), ondotik heldu da Araba (%2,3) eta gero Gipuzkoa (%2,2). Lan sektoreei dagokienez, industriak %0,2ko emendatzea izan du, eraikuntzak %5ekoa eta zerbitzuek %2,9koa....

Hegoaldean | 2025eko Abenduaren 11a

Erasoak eta mehatxuzko tindaketak

Joan den astean hainbat eraso gertatu ziren EAEko gune zenbaitetan. Lehen ekintza, PP alderdiaren Bilboko egoitzan izan zen: lokalaren aitzinaldea tinda gorriz zikindua agertu zen eta berinan kolatua zen afixa batean “gazteok independentzia” irakur zitekeen. PPk salatu zuen Ernai, ezker abertzaleko gazteen egitatea zela. Ondotik jakin zen ezezagun batzuek kalteak eragin zituztela Durangoko karriketan ETAren biktimen omenez ezarriak diren bederatzi plaketarik hirutan.

Egun hartan...

Hegoaldean | 2025eko Abenduaren 11a

Ihardukitzeak

Aitzineko artikuluan aipatu tindaketak gaitzetsi dituzte Imanol Pradales Eusko Jaurlaritzako lehendakariak, EH Bilduk, Fernando Buesa fundazioak eta Covite ETAren biktima batzuen elkarteak.

Imanol Pradalesek zabaldu duen mezuak honela dio: “Onartezina da besteen pentsatzeko modua ezabatu nahi izatea, eta onartezina da mundu ikuskerak inposatzea”. Elkartasuna adierazi die PSE-EEkoeta PPko militanteei.

EH Bilduk, bere aldetik, “irmoki gaitzetsi du” PSE-EEko idazkari nagusi...

Hegoaldean | 2025eko Abenduaren 11a

Hernani txotx denboraldia prestatzen

Hilabete bat baino gehiago falta da sagardotegi denboraldia hasteko, baina Hernaniko Udalak gogoetak egin eta neurriak finkatu ditu “jarduera ekonomikoaren eta herritarren ongizatearen arteko oreka bilatzeko”. Alabaina, urte guziez buruhauste handiak izaten dituzte sagardotegietara trumilka joaten diren jendeen errezibitzeko, herritarrak sobera kaltetu gabe.

Alde batetik, urtarrilaren 24tik maiatzaren 4ra artean Hernanira joanen diren autobus antolatuak Ibaiondoko industrialdean...

Hegoaldean | 2025eko Abenduaren 11a

Durangoko azoka

Durangoko azokaren 60. edizioa abenduaren 5etik 8ra iragan da. Aurten bi gune berri estreinatu dituzte, Artatea, arte ederren plaza eta Berbagailua podcasten eremua.

Antolatzaileek zehaztu dute 175 eragilek (sortzaileak, diskoetxeak, argitaletxeak, autoekoizleak, hedabideak, erakundeak...) 285 erakusmahai ezarri dituztela ikusgai. Orotara 1026 kultur berritasun eta 273 ekitaldi aurkeztuak izan dira lau egunetan zehar.

Hegoaldean | 2025eko Abenduaren 11a

Euskaraz bizitzeko, Euskararen Errepublika

Manifestaldi nazional eta jendetsua egin du Euskal Herrian Euskarazek joan den larunbatean, Durangon, “Euskaraz bizitzeko, Euskararen Errepublika” lelopean. Ekimen honen bidez, EHEk euskarak behar duen pizkundea indartzeko deia luzatu du, eta azpimarratu du “tresna politiko propioak sortuz” baizik ez dela lortuko Euskal Herri euskalduna.