Eginen du hilabete bat sartu direla, baina oroitzapenak oraino buruan eta bihotzean dituzte... Zaila izan zaien separatzea Donibane Garaziko geltokian, azken egonaldiko kantuak emanez burasoen aitzinean. Oren batzu goizago, malkoz beterik zituzten begiak Tarn-eko herrian. Garazi-Baigorri aldeko 23 gaztek 15 eguneko egonaldi bat bizi izan dute gazteen pastorala animatzeko helburua duen Nafar Gazte elkartearekin (uztailaren 16tik 30era). Egonaldi hunek nerabe haueri esperientzia azkar baten bizitzeko parada eman die talde bizitzan, bakantza hauen aktore izanez animazioetan parte hartuz, gaualdietan baita ere eguneroko bizian.

Tintin-en abenturen bidez, Castres, Albi, St Ferréol bisitatu ahal izan dituzte, ahantzi gabe Carcassonne Erdi-Aroko herria, edo/ta Sigean-eko Zoo-a. Egonaldiaren proiektu pedagogikoaren pundu nagusiak gazteen balioztatzea eta erantzukizunen emaitea dira. Hortarako, Dourgne-ko abusagailu zentroko haur batzuentzat animazio eta aktibitateak prestatu...

Aurten ere, uztailaren lehen egunetan, ikusi ditugu telebistan batxillergo ikasleak jauzteka, etsaminak ongi bukaturik. Erran ditake: ongi baino hobeki, aipamen ohoragarrienak ahurtraka. Gobernuak nahi zuen %88 onartuak izan zitezen eta horrela gertatu da, xuxen xuxena. Beraz denak uros, ikasleak eta burrasoak... Ez dakit haatik erakasleak, beren aldetik, hain satisfos gelditu diren, urte guzian ikastegian dituzten gazteak untsa ezagutzen baitituzte, beren argi eta itzalekin. Bai, itzalak ttipiarazi beharrez ari dira, hortzez eta haginez. Gehienak bederen... Eta badakite zer pundutzea merezi duten errealki ikasle baten lanek. Zorigaitzez inflazioa ez da prezioetan bakarrik sartua. Aspaldian beste eremu batzuetara hedatuz doa, hala nola etsaminetako pundutzeari. Lanak korreitzen dituztenek behar dute gobernuaren manuari sometitu, nahi ala ez! Zer? Lan horrek 8 pundu merezi dituela? Eman otoi biga gehiago; ez da biziki, bainan ongi ateratzeko aski. Beraz punduak erein han hemenka,...

Roger Etchegarayren aitak laborantzako tresnak konpontzen zituen bai eta elizetako erlojuak. Hori dela eta bazuen lantegia etxeari lotua. Andde Darraidou ezpeletar auzapez ohiak zituen harreman hertsiak Vatikanen zelarik ezpeletar kardinalearekin eta xuxurlatu zaion bere aitamen Xoko Maitea etxe parte bat emaitea herriari. Roger eta Maite anai-arrebek gogoetak egin eta herriari etxe parte bat eman zuten, aitaren ateliera, eta familiaren bizitegia aldiz elizari. Grazi Florence zenak, auzapez zelarik, zituen notario baten etxen egin herriaren izenean ondoko izaiteko paperak. Joan den ostegunean, Herriko Etxeak, beste hautetsi batzuk ere hor zirela, izan Euskal Elkargokoak edo Departamenduko Kontseilariak, estreinatu du ospe handian. Etxe hortan 7 egoitza eraikiak dira eta biblioteka ere hor izanen da. Etchegaray anai-arrebek galdegin zuten hor eraikiak izanen ziren bizitegiak bakartuak edota mugikortasun murriztua duten pertsoneri lehentasuna emaitea, herri barnean izaiteko...

Oroit gira primaderan Seaska, Ikastolen federazioak, mobilizazio anitz egin zituela, erakasle postu batzuk eskas dituela eta. Joano ta gehiago ikastola ideki dira azken urte hauetan, haur kopurua emendatzen ari zaiela eta. Frantses Hezkunde Ministerioarekin borrokan ari dira postu horien ardiesteko. Sartzea hor dela eta, ez da aitzinamendu handirik izan, eskolako urte bukaeran hitzemana izan zaieten 4,5 postu gehiago ukanen zituztela, Seaskak 20 erakasle postu galdegiten dituelarik. Aurtengo sartzean 250 ikasle gehiago izanen dutela adierazi du Seaskak. Joan den ostiralean Seaskako buraso eta erakasleek deia zabaldua zuten Paueko Akademia Ikuskaritzara joaitera, beti rrikapen berdinarekin, behar dituzten lan-postuak eskuratzea. 300 bat pertsona ziren eta harat heldu eta izan da tentsio memento bat, buraso eta erakasleak sartu nahi izan baitute Ikuskaritzako bulegoetan. Han berean biltzar nagusia egin dute, errezebitua izan den delegazioak hitzorduaren berri eman du, Akademiak aurtengo...

Irulegiko Arnoen sindikatuak antolatzen ditu, irailaren 9 an, igandearekin, sormarkako ate idekiak. Egunean zehar, 11 mahastizainen sotoak idekiak izanen dira, dohainik, animazio anitzekin.

Eguneko hitzorduak.

Goizeko 10:00etatik goiti, 10 sormarkako independenteak (Abotia, Ameztia, Arretxea, Bordatto, Bordaxuria, Brana, Etxegaraya, Gutizia, Mourguy eta Xubialdea) eta Irulegiko Sotoak idekiko dituzte beren ateak. Bisitariek ukanen dute parada mahastizainekin solastatzeko, haien lana esplikatzeko parada ukanen dute, bai eta mahastien itzulia egiten ahalko da. Egunean zehar, animazio frango izanen dira: jastaketak, mahastien bisita mahastizainekin, asto batekin ibilaldia mahastietan, merkatua, argazkiak, pala jokaldia mahastizainekin, bazkari animatuak sotoetan... Egunean zehar, izanen dira ere soto guzietan pintura eta zizelkadura erakusketak, Haspand'Art elkarteak antolaturik. Obra horien aipagaiak: arnoa eta mahastia. Horra parada on bat arno xorta baten...