"Artzain soil" filma Donapaleun

Tituluak dioen bezala, film hunek artzain soilen egoera tratatzen du, Maina artzaintsaren karra azalduz. Erabakia hartua du, heldu den neguan Maina ez da lurrik gabeko artzaintsa izanen. Etxalde bateko lurrak bere gain hartzen ditu eta nahi duen bizimoldea segitu nahi du bere segurtamenak burura arte eramaiteko. Baina instalazioa uste baino konplikatuagoa bilakatzen da! Mainaren karra ez da bakarra. Artzain soil filmak lurraren eskuratzeari buruzko galdera anitz pausatzen ditu.

Film hau maiatzaren 21ean Donapaleuko zinegelan proiektatua izanen da, asteartez (20:30). Filmaren ondotik eztabaidatzeko, Sabina Hourcade eta Lucie Francini filmegileak hor izanen dira, baita ere Euskal Herriko Laborantza Ganbarako ordezkari bat.

Ondoko egunetan beste euskal film batzu ikusten ahalko dira, hala nola Irati (maiatzaren 22an) eta Negu hurbilak (maiatzaren 29an).

Eztabaida euskararen geroaz

Euskararen geroa eztabaidan Mattin Irigoienekin, maiatzaren 16an Donapaleuko ikastolan (19:30).

Hitzaldi hau EHZk antolatzen du eta Amikuzen azken hamarkadetan bizitu esperientzia baloratuko du. Nola ezar euskara, gal-bidean, ahal-bidean, zabal-bidean? Hara zer izanen den hitzaldiaren haria. Badakigu euskararekin atxikimendua azkarra izanik ere inkesta soziolinguistikek euskararen erabilera gain-behera aitortzen dutela. Zer egin erronka nagusi hori konpontzeko? Zer dira egun guzietan usatzen ahal diren palankak? Huna besteak beste solastatuak izanen diren gaiak.