Pilota

Berriz ere Mattin Etcheverry ohoretan dugu. Partida gogorraren ondotik, oraikoan pilotan xapela eskuratu du, Peio Larretchea bere lagunaren aurka, 40-35. Biba gazteak eta atxik Zaharrer Segi batasuna!

Heriotze

Ustekabetarik utzi gaitu Léonie Mendiburuko amatxik. Handi izenarekin Ortzaizen sortua zen, duela 68 urte. 19 urte zituelarik ama galdurik, duela 49 urte Jean Lançaro Mendiburuko semearekin esposatu zen. Alaba bat ukan dute, etxean plantatu dena. Mendiburuan bizia laborantxan eraman du, langilea, lanak ez zuen lotsatzen. Zoritxarrez osagarria makurturik tratamendu berezi batzuentzat behartua zen etxetik joaitera, astean bizpahiru aldiz, kasik 20 urte iraun duena. Azken aldia apirilaren 3an izan da, han pausatu baita. Zer pairatu duen eta denentzat zer pisua zen ez dugu asmatzen ahal. Etcheverry apezak, erran dituen hitzekin biziki zeremonia ederra eta hunkigarria eman du. Senarrak bere aldian, hitza harturik espos lagunari agertu dizkio bihotzean zituenak, esperantzaz beterik, bihotzez eta arimaz elgarrekin egonen direla betiko. Elizako aldia bururaturik, familiako hilobira kantu eta otoitzez lagundu dute. Gure dolumin bizienak penetan dagoen senar, alaba eta familia guziari.

M.G.

Astekari hunen bidez familiak nahi ditu eskertu: Etcheverry apeza, Jean Claude gurutzekaria, Bernadette erizaina, bizian eta heriotzan lagundu duten Harguindeguy etxea. Eskerrak ere parte hartu duteneri, barkamenak besteeri.

Jean eta familia