Heriotze –

Otsailaren 28an zendu da Itsasun Louis CABANES jauna, 84 urtetan. Doluminak helarazten dizkiogu familiari astekari hunen bidez.

Hitzaldi-eztabaida –

Hitzaldi-eztabaida bat antolatzen du herriko CCAS batzordeak. Gaia izanen da "La violence au quotidien" (indarkeria eguneroko bizian). Hizlaria izanen da Sophie Schumacher anderea, familia-terapeuta da, jadanik ezaguna dugu herrian. Gaualdi hau iraganen da martxoaren 16an, ostiralez, 20.00etan, Sanoki gelan. Sartzea kitorik, deneri idekia.

Euskal Herriko "Tiki-Tourra" -

Euskal Herriko "Tiki-Tourra" Itsasun pasatuko da, eta geldialdi bat eginen du martxoaren 17an, larunbatez. 14.30etan helduko da Atharri ezker paretara eta hor egonen hiru orenez. Zortzi urte azpitiko haurrek egiten ahalko dituzte itzuliak auto elektrikoetan, eta hori guzia kitorik. Horra beraz arratsalde goxo baten pasatzeko parada, haurreri plazer eginez!

Pintxo kabaret gaua –

Martxoaren 17an, larunbatez, Itsasuko Arrokagarai ikastolak "Pintxo Kabaret Gaua" antolatzen du Sanoki gelan: arratseko 7etatik goiti afaltzen ahalko da, Kabaret gaualdia hasi aitzin, 9etan. Egitaraua: - Kantariak: Jurgi Ekiza, Jon Itçaina, Pako eta Paxkal Irigoien - Antzerkia: Kafos taldea (Amaia H e n n e b u t t e, Gilen Hiribarren, Jokin Irungaray, Xalbat Itçaina eta Antton Moustirats). - Bertsulariak: Aimar Karrika eta Xumai Murua.