Hegoaldean | 2026ko Maiatzaren 28a

Gaztetxeak Elorrion loratzen

Euskal Herriko gaztetxeen eta gazte asanbladen topaketak maiatzaren 29an eta 30ean iraganen dira Elorrion, Bizkaian. Antolatzaileen erranetan, hausnarketa kolektiborako espazio garrantzitsuak izanen dira. Egunaren antolatzeko bilkura andana egin dute Euskal Herri osoko herrietan barna. Ehundik gora gazte asanbladek parte hartu dute. Inplikazio hori “gaztetxeen loraldiaren” marka dela diote antolatzaileek.

Hegoaldean | 2026ko Maiatzaren 28a

Xalbador Getxoko Folken ohoratua

Aurtengo Getxoko Folk festibalak Xalbador omenduko du, heldu den larrazkenean. Joxean Goikoetxea musikari eta konpositoreak zuzendurik, Euskal Herri osoko hainbat artistek duela mende erdi zendu zen Xalbador ohoratuko dute. Getxoko Folk Jaialdia irailean izanen da eta Celtas Cortos, Dulce Pontes eta ETS ariko dira, besteak beste.

Hegoaldean | 2026ko Maiatzaren 28a

Bertsolarien Bizkaiko Taldekakoak bost urte

Bizkaiko Bertsozale Elkarteak bosgarren Taldekako Bertsolari Txapelketa antolatuko du aurten. Hamalau talde ariko dira lehian, Bizkaia osoko bertso-eskoletatik. Elkartearen helburua da taldekako bertso txapelketa giro informalean eta besta giroan iragatea. Bost kanporaketa izanen dira ekainaren 5 eta 12aren artean. Bost egun horietan hiruna saio jokatuko dituzte taldeek. Egunean egina izanen den lan osoa kondutan harturik, kanporaketa bakoitzeko irabazlea finalaurrekoetara sailkatuko da....

Hegoaldean | 2026ko Maiatzaren 21a

Makina erremintaren egoera

Makina erremintaren sektorerako iazko urtea zaila eta ezegonkorra izan zen, aurtengoa ere bide beretik doa, 2.247 milioi euroko fakturazioarekin burutu zuten, aitzineko urtean baino %3,27ko beherapenarekin. Perez Berdud AFM-ko presidentearen hitzetan, makina erremintaren sektoreak ongi atxiki dio testuinguru geopolitikoari. Halere, Iraneko gerla luzatzen bada, kalteak nabarituko direla gehitu du. Enpresaburuaren arabera, Txinaren etengabeko hazkundeari eta prezioari aurre egin behar diete....

Hegoaldean | 2026ko Maiatzaren 21a

Erretretadunak beti mobilizatuak

Erretretadunek mobilizatzen segitzen dute, Gasteizen manifestatu dute. Pentsiorik apalenak Espainiako estatuko SMI gutieneko soldatarekin parekatzeko galdea egin dute. Euskal Herriko Pentsiodunen Mugimenduak iaztik aldarrikapen hori eramaten du, baina irailean EAJk, PSE-EEk eta Voxek eskaera hori baztertu zuten. Pentsiodunak mespretxatuta sentitu ziren, manifestazioan gogorarazi dute sindikatuen eta jendartearen babes handia dutela, 145.142...

Hegoaldean | 2026ko Maiatzaren 21a

Herriko Etxe euskaldun mankomunitatea

Udalerri euskaldunen mankomunitateak eta Otxandioko Herriko Etxeak antolaturik, “Udalerri Euskaldunen Eguna” Otxandion ospatua izan da (Bizkaia). 121 Herriko Etxe UEMAn dira. Antolatu egunean errana izan da: “Udalerri euskaldun guzien eguna da, ez UEMAko kide direnena soilik”. Gaur egun, guzira 175 udalerri euskaradun inguru dira, biztanleen %70etik gora euskaraz hitzegiten dute.

Joseba Lozano Eusko Jaurlaritzako Herri...