Hegoaldean | 2023ko Urriaren 12a

NUKFeko presidente berria

Nafarroako Udal eta Kontzejuen Federazioko (NUKF) presidente berria hautatzeko bozak iragan dira joan den astean. EH Bilduko Xabier Alkuaz Tafallako auzapezak beteko du kargua, 755 boz erdietsi baititu, UPNko Alejandro Toquero hautagaiari aise nagusituz. Honek 433 boz ukan ditu, soilik bere alderdiko zinegotzienak. Alkuazek, aldiz, PSNko, Geroa Baiko eta bertze zenbait udal eta kontzejutako kide independenteen bozak bildu ditu.

Hegoaldean | 2023ko Urriaren 12a

Torturaren biktimen aitortza

Iñigo Urkullu lehendakariak jakinarazi du arrazoi politikoengatik tortura jasan duten biktimei eskainiko dieten ekitaldia urriaren 31n eginen dela. Bezperan, urriaren 30ean, tortura horien balorazioko batzordeak urteko txostena agertuko du Eusko Legebiltzarrean.

Hegoaldean | 2023ko Urriaren 12a

Helduen euskalduntzea Nafarroan

Nafarroako euskaltegien 2023-2024ko ikasturtearen abiatzeko ekitaldiaren karietara, Ana Ollo lehendakariorde eta Euskara kontseilariak jakinarazi du Gobernua prest dela helduek euskara urririk ikas dezaten urratsak emateko.

Bere mintzaldian, Ollok goraipatu ditu euskaltegiek egin duten bidea eta "urtero egiten duten ahalegin handia". Lehendakariordearen arabera, 5.000 heldu baino gehiago ari dira euskara ikasten Nafarroako euskaltegi eta hizkuntza eskoletan. Ildo horretan, zehaztu du...

Hegoaldean | 2023ko Urriaren 05a

Legebiltzarrak Memoria Historikoaren legea onartua

Sostengu zabalarekin, diputatuek %90en aldeko botoarekin, onartu dute Legebiltzarrean Euskadiko Memoria Historikoaren eta Demokratikoaren legea. Jaurlaritza osatzen duten bi taldeek (EAJ eta PSE-EE), EH Bilduk eta Elkarrekin Podemos-IUk (EP-IU) ekimenaren alde egin dute. Aldiz eskuinak (PP, Vox eta Ciudadanos 7 boto) kontra bozkatu du. Bi urte baino gehiagoz landu eta eztabaidatu ondoren, legea onartua da. Hemendik goiti, hainbeste urtez galdegin justizia eta erreparazioa eskuratuko dute...

Hegoaldean | 2023ko Urriaren 05a

Udal tasak eta zergak Donostian

Hutsik dauden etxebizitzak, Donostian %150ean zergapetuko dituzte, Udaleko kontseiluak 2024rako neurri fiskalak onartu du. Ordenantza horien arabera, hutsik diren etxebizitzei ezarriko den zerga %150eraino iganen da, orain arte %100ekoa zen, emendatze horrek egoitza guziei eraginen die. Indarrean den foru arauak aurreikusten duen errekargua maximora igaiteko ekimena EH Bilduren hiru proposamenetako bat izan da, EAJren eta PSE-EEren Udal Gobernuarekin egin...

Hegoaldean | 2023ko Urriaren 05a

Madrilen gobernurik ez

Pedro Sanchez Espainiako Gobernuko presidentea berriro gobernuburu izendatzeko negoziazioak ez gibela ez aitzina daude, hauteskunde orokorrak errepikatzeko aukera zabalik da. Hala erran du Aitor Esteban EAJren bozeramaileak Kongresuan, hedabideen aitzinean egin adierazpenetan. Segurtatu duenez, EAJk "ezer guti" hitz egin du inbestiduraren inguruan PSOErekin eta gaur gaurkoz "egoera atzoko...