Hegoaldean | 2022ko Azaroaren 17a

Erdizko galdeketari ez

Erdizko larrearen okupazioari buruz, datorren azaroaren 20rako, Baztango auzapezek sustatutako herri-galdeketari uko egitea eskatu du Espainiako Gobernu Ordezkaritzak. Nafarroako EH Bilduk ohar baten bidez "esku-hartze antidemokratiko hori" kritikatu du, Magnako meatze-proiektuak Erdizko herri-lurren erabilerari buruzko kontsulta egitea ahalbidetu eta errespetatu behar dela gaineratu du.

Hegoaldean | 2022ko Azaroaren 17a

Nafarroan elikagai galtzeak

Nafarroako Gobernuak abian jarri du 2022-2027 kanpainaren "Elikadura Hondakinak Murrizteko Agenda". Kanpainak erakusten duenez, hiru elikagaitatik bat alferrik galtzen da herrialdean. Bereziki fruituak, barazkiak eta gainerateko produktu freskoak, ardura ez da etxeetan errealitate horretaz jabetzen. Nafarroan bakarrik urtean 115.000 tona elikagai baino gehiagok zikin untzian finitzen dute eta horietatik %42 zuzenean etxeetan alferrik galtzen dena da.

Hegoaldean | 2022ko Azaroaren 17a

100 euroko laguntza haur sortuarentzat

Sorkuntza eskasak, demografiaren arazo larria ukanez, Lurraldean sortzeen kopuruak emendatzeko Eusko Jaurlaritzak gain saria emanen die familiei hirugarren haurrarentzat. Jakinez sortzeen kopuruak ez direla demografiaren aldetik aski, jendarteari mantentzeko ala emendatzeko, Jaurlaritzak 200 euro ematen zituen hilero haur bakoitzari, 3 urteak bete arte. Laguntza horien erdiak jarraituko dute ematen 4 eta 7 urteko haur bakoitzarentzat, Jaurlaritzak espero du sortzeak %15az emendatuko direla....

Hegoaldean | 2022ko Azaroaren 17a

Imanol Larzabal gogoan

Imanol kantariak 75 urte beteko zituen egun hauetan. Bere lagunek bereziki Felipe Juaristiren ahotik, omendu dute kantaria, "hasierako Imanol basati hartatik, belusezko ahotsa zuen Imanoleraino". Imanolen bizitzaren errepaso xumea egin du Juaristik, poesia musikatzeko ere dohain pribilegiatua zuela gehituz. Bere poz eta bere minekin ekarri du gogora Imanol. "ETAren indarkeria publikoki gaitzetsi zuenean, herritar zenbaiten irain mehatxu eta erasoen aurrean bere burua bakarrik ikusi zuen....

Hegoaldean | 2022ko Azaroaren 17a

GAL eta estatu terrorismoa

GALek 1984an eta 1985ean hildako Santi Brouard eta Xabier Galdeanoren alabak komunikabideen aurrean agertu dira, Egiari Zor Fundazioak deitutako ekitaldian. Azpimarratu dute El Pais egunkarian egindako elkarrizketan Barrionuevok, barne ministro izanak, aitortu duela "Estatuak, Felipe Gonzalezen Gobernuaren bidez, terrorismoa eta gerra zikina erabili zituela, bere agindupean Estatuko segurtasun indarretako kide eta soldatapeko mertzenario gisa jarduten zutela".

Jose Barrionuevo...

Hegoaldean | 2022ko Azaroaren 17a

Hegaluzearen denboraldia

Bizkaiko eta Gipuzkoako arrantzaleek hegaluzearen kanpainaren bilduma gazi-gozoa egin dute: enkantean batez beste, 50 zentimo gehiago ordaindu diete kiloa (+%13), baina gasolioaren prezioak handiagoak izanez eta gainera arrantzara urrunago joan behar ukan dute. Ondorioz, gastuak emendatu dira. Aurtengo udan hegaluzea urrunago egon izanak beste eragina ukan du. Urria arte luzatu dela arrantza, portuetara aldikal arrain gutiago egunean ekarriz bainan luzarokoan. Horrela prezioak hobeki atxiki...