Hegoaldean | 2022ko Urriaren 27a

Arabako Mahastiak sor-marka

Arabako Mahastiak sor-marka baimendu du Eusko Jaurlaritzak eta baimena Euskal Herriko Aldizkari Ofizialean agertu da, urriaren 18an. Jaurlaritzaren onarpen hau behin-behinekoa da, azken hitza Europako Batzordeak baitu, baina anartean, izendapen honen pean aritzen ahalko dira sotoak.

Haatik, upategiek 2024a arte igurikatu beharko dute sor-marka berriaren pean arnoa saltzen hasteko, aurtengo uzta jadanik bildua baita. Arte horretan, Errioxa izendapena erabili beharko dute beren...

Hegoaldean | 2022ko Urriaren 27a

Nafarroako Gobernuaren aurrekontuak

Nafarroako Gobernuak 5.748 milioi euroko aurrekontu proiektua onartu du 2023rako, aurtengoa baino %9 handiagoa. Sekula izan den aurrekontu handiena izanen da, eta erdia baino gehiago gastu sozialetara bideratuko da.

Elma Saiz Ekonomia eta Ogasun kontseilariak eman ditu xehetasunak, erran du ongizatea bermatzea eta ekonomia sendotzea direla aurrekontu proiektuaren helburuak.

PSN, Geroa Bai, Podemos eta EH Bilduren arteko hitzarmenak ahalbidetu du 2023rako aurrekontu proiektua...

Hegoaldean | 2022ko Urriaren 27a

Immigrazio eta integrazioari buruzko XII. jardunaldiak

Immigrazioari eta integrazioari buruzko XII. jardunaldiak hasi dira, urriaren 20an, Bilbon. Hastapeneko ekitaldian parte hartu du, bertzeak bertze, Xabier Legarreta Eusko Jaurlaritzako Migrazio eta Asilo zuzendariak eta migrazio politiken inguruko eskumenen transferentzia galdegin du.

"Euskal harrera eredua indartzea" izanen da Eusko Jaurlaritzako Migrazio eta Asilo Zuzendaritzak heldu den urterako finkatua duen zeregin nagusia, horretarako 9 milioi eurotik 15 milioiraemendatuko du...

Hegoaldean | 2022ko Urriaren 27a

Euskadi Literatura sariak

Aitzineko asteko Herria artoski irakurri dutenek badakite zein izan diren 2022ko Euskadi Literatura sarien lehen hiru irabazleak: Maite Mutuberria, Leire Bilbao eta Uxue Apaolaza. Urriaren 21eanjakitera eman da nork irabazi dituen Gaztelaniazko Literatura, Euskarazko Literatura Itzulpena, Saiakera Euskaraz eta Saiakera Gaztelaniaz sailetako sariak. Lehen hiru kasuetan bezala, aldi honetan ere saridun guziak emazteak izan dira.

Hona irabazleen zerrenda eta obra bakoitzaren...

Hegoaldean | 2022ko Urriaren 27a

Ikerlanen Digilab laborategi berria

Ikerlan teknologia zentroa Mondragon taldeko enpresetako bat da eta aspaldian ari da teknologia berriak ikertu eta garatzen. Ildo horretan, Digilab egitasmoa abiatu du, industriarako teknologia digitalen laborategi espezializatua. Euskal Herrian eta Espainiako Estatuan dagoen gunerik aitzinatuena da, Arrasaten aurkitzen da. Azpiegitura honek bere ikerketak eramanen ditu, bertzeak bertze, elkarlaneko robotikan, ziber-segurtasunean, adimen artifizialean, 5G komunikazioetan, segurtasun eta...

Hegoaldean | 2022ko Urriaren 27a

Zonifikazioari hordago!

Euskararen zonifikazioari buru egiteko xedez Nafarroan sortu den Hordago! Herri-ekimenak manifestaldia egin du Tuteran joan den larunbatean. "Zonifikazioari hordago! Gora euskara, Cortesetik Berara" lemapean egin dute protesta, Tuterako Plaza Berritik abiaturik, euskararen zonifikazioak nafarren artean dakartzan diskriminazioa, desberdintasun eta desadostasuna salatzeko