Hegoaldean | 2022ko Otsailaren 17a

Gutieneko soldata 1.000 eurokoa

Lan Ministerioak eta UGT eta CCOO sindikatuek adostu dute gutieneko soldata 1.000 eurokoa, 14 hilabete saritan, urtarrilaren lehenetik harat. Bestalde, CCOOko idazkari nagusia, Unai Sordo, pozik agertu da akordioa sinatu delako, 1,8 milioi langileri zuzenean eragingo dielako.

Hegoaldean | 2022ko Otsailaren 10a

CAF Tel Avivera begira

Beasainen egoitza duen CAF enpresak Tel Aviveko metro arina eraikitzeko kontratua erdietsi du.

Shafir enpresa eraikitzailearekin partzuergoan gauzatuko da proiektua. Bien artean "Purple Line" tren arina osorik eraikiko dute. Kontratuaren barne dira eraikuntza bera, diseinua eta behereko solairuko 98 Urbos tranbia berria. 1.015 milioi euroko balioa du, eta euskal tren egilearentzat izanen dira horietako 525 milioi euro.

CAFen arduradunek adierazi dutenaren arabera, "Israelen inoiz...

Hegoaldean | 2022ko Otsailaren 10a

Kontserbategietako lan-hitzarmena

Bizkaiko kontserbategiak hunkitzen dituen lan-hitzarmena sinatu dute LAB, CCOO eta UGT sindikatuek zuzendaritzarekin. Itun honek, 2025ean gutieneko soldata 1.200 eurokoa izatea bermatuko du, bertzeak bertze.

Kontserba sektorean mila langile daude, nonbait han, Bermeo, Markina eta Ondarroako lantegietan.

Hitzarmena 2024 arte indarrean izanen da eta gibel-ondorioduna izanen denez, iazko soldatak hunkituko ditu. Adostua izan den epean, hilabete-sariak %7,18 eta %14,39 artean...

Hegoaldean | 2022ko Otsailaren 10a

Hizkuntz eskubideak

Euskal Autonomia Erkidegoan euskara hizkuntza koofiziala denez, sail publikoan lan zenbait erdiesteko euskara jakitea galdatua da. Laudioko (Araba) Udalak funtzionario bat kanporatu zuen 2020an, lanpostuari zegokion hizkuntz eskakizuna ez zuelako betetzen. Joan den astean, Gasteizko epaitegi batek erabakia baliogabetu du. Epailearen arabera, Udalak langilea "diskriminatu" omen zuen, euskara ikastea biziki zaila omen baita.

Ander Añibarro auzapezak helegitea pausatuko duela jakinarazi...

Hegoaldean | 2022ko Otsailaren 10a

Pello Zabala zendu da

Pello Zabala fraile frantziskotarra otsailaren 2an pausatu da, 78 urtetan. 1943. urtean sortua zen, Amezketan. 10 urte zituelarik Arantzazuko Santutegian sartu zen eta geroztik han bizi izan da.

Fraile izateaz gain, idazlea, euskaltzaina, irratiko hizlaria eta meteorologian aditua zen. Euskadi Irratian eta Iparraldeko euskal irratietan ere aroaren igarpenak egin ditu anitz urtez. Halaber, musikari buruzko jakitate handia zuen, eta 22 urtez "Klasikoak gaur" emankizuna aurkeztu zuen...

Hegoaldean | 2022ko Otsailaren 10a

Gurbitza Arantzazun, Pello Zabalaren oroimenez

Euskadi Irratiaren entzuleek ontsa ezagutzen dute larunbat goiz guziz Arantxa Artza eta Jakoba Errekondok aurkezten duten Landaberri emankizuna. Pello Zabala ere partaide izaten zen, hutsik egin gabe, 9:30etan, ttanko, ondoko astean nolako aroa eginen zuen iragartzeko, eta bidenabar, naturaz zuen jakitate nasaia entzuleei zabaltzeko.

Landaberri saioaren animatzaileek molde berezian omendu nahi ukan dute beren lagun eta lankidea: Gurbitz izeneko zuhaixka landatu dute...