Herriz Herri - Heleta (NB) | 2017ko Abenduaren 14a
Mezak
Herritarra
Ibiakoitzean 19 orenetan Iholdin.
Ibiakoitzean 19 orenetan Iholdin. Igandean 9 orenetan Landibarren, 10ak eterditan Heletan.
Herriz Herri - Heleta (NB) | 2017/12/14
Mus
Herritarra
Deitua Eguberriko musa, Larre ostatuak antolatzen du urte guziz bezala mus lehiaketa haundi bat heldu den igande 17an, arratsaldeko bi orenetarik aitzina izen hartzea, hiru orenetan haste, sari ederrez dohatua 500 euro irabazdunek, 300 euro galtzaileek, beste anitz gauza ere izan ditakelarik.
3429. zbk
Ez dugu hala denaren alderdi bat baizik ikusten eta ez denek eskualde beretik.
Indira Gandhi
Gure Hitza | 2017/12/14
Goazen gure bide
Peio Jorajuria
Durango, Paris, Barakaldo, badela mugimendu egun hautan!
Durango, Paris, Barakaldo, badela mugimendu egun hautan! Durangoko liburu eta disko feriak ohiko jendetza bildu du. Bost egunez ehun eta hamar mila bisitari baino gehiago! Harrigarri da azoka horrek urtero zer tirria pizten duen jendearen baitan. Liburuek, diskok bezainbat edo berdin gehiago. Alta erraten da gero eta gutiago irakurtzen dela! "Liburuak izanen direno, jendeak badireno liburuak idazteko eta ere jendeak liburuak irakurtzeko, ez da dena galdua izanen bere tristezia eta itsuskeria guziengatik ere hain maitatu dudan mundu huntan". Zendu berria den Jean d'Ormesson frantses idazlearen hitzak dira horiek. Osoki gure egiten ditugunak.
Durango oraindik xinaurritegi zela, Parisek ere mugimendu gaitza ukan du larunbatean, hamaika mila euskaldun hango karriketan barna desfilatzen, Euskal Herri osotik eta diasporatik ere joanak, Euskal Herriarentzat bake urratsak aitzinarazi nahiz eta berezikiago euskal presoentzat baldintza duinagoak eskatzeko, legeak manatzen duen...
