Usaia duten bezala, abendoaren 5ean, Garazi, Baigorri eta Oztibarreko CATM eta UNC-ko Aljeriako soldado ohiak elgarretaratu dira nonbre haundian, aldi huntan Larzabalen.

Usaia duten bezala, abendoaren 5ean, Garazi, Baigorri eta Oztibarreko CATM eta UNC-ko Aljeriako soldado ohiak elgarretaratu dira nonbre haundian, aldi huntan Larzabalen. Egun hunkigarri hori hasi da mezarekin, Aita Ruspil apezak emanik, bakea gure inguruan hedatua eta azkartua izan dadien, Ezponde pertsulariak ere osatuz. Gero, oroitarriaren aitzinean, Lucien Ruspil Oztibarreko arduradunak izendatu ditu eskualde huntako 13 gazteak, Aljeriako mendi zoko hetan beren bizia galdu zutenak. Lore azaua pausatu eta, Jules Larramendy herriko auzapezak irakurtu du ministerioko mezua. Denek artoski parte hartu dute zeremonia horietan, zor den bezala hil diren gazte horier buruz. Gero, han ziren 145 partalierrak, soldado ohi, espos lagun, alarguntsak, joan dira Espellet ostaturat, denek gozatzen zutela alaitasun beroenean apairu guziz ona, arrastirian bururatuz, ondoko urtean segitzeko nahikariarekin.