Hegoaldean | 2024ko Urtarrilaren 18a

Gutieneko soldata

Lan Ministerioak CCOOrekin eta UGT sindikatuekin adostu du 2024rako lanbide arteko gutieneko soldata %5ez emendatzea, hamalau ordainsaritarako, hilabero 1.080 eurotik 1.134 euroraino. Emendatze hori 2024ko urtarrilaren 1etik aurrerako atzeraeraginarekin aplikatuko da.

Hegoaldean | 2024ko Urtarrilaren 18a

Pello Otxandiano EH Bilduren lehendakarigaia

Pello Otxandiano ofizialki EH Bildu koalizioaren Eusko Legebiltzarreko hauteskundeetarako lehendakarigai hautatua izan da. Egina izan den bozketan, alderdikideen %94ren babesa eskuratu du. Hala jakinarazi du alderdiak Bilboko Bizkaia Aretoan egin duen batzarrean.

40 urteko otxandiarrak (Bizkaia) EH Bildun ibilbide politiko luzea du, eta gaur egun programa zuzendaria da. Telekomunikazioetan ingeniaria, Arnaldo Otegi buru duen koalizioaren ideologotzat dute.

Hegoaldean | 2024ko Urtarrilaren 11a

Euskararen egoera

Bizkaian

Berria egunkariak Bizkaiko euskararen egoera aztertu du berriki eta egun hauetan eman dituzte azterlanaren emaitzak. Inkesta soziolinguistikoak eta karrikan egin behaketek erakusten dute euskararen ezagutza indartzen ari dela, baina horrek ez duela eragin handirik erabilpenean. Egoera horren aitzinean, adituek uste dute ezinbestekoa dela euskaldunen "aktibazio kolektiboa" sustatzea eta "baldintza egokiak" bermatzea euskara erabiltzeko.

Inkestak...

Hegoaldean | 2024ko Urtarrilaren 11a

Lan merkatua

Ekonomiak motelaldia ezagutu badu ere, langabezia ttipitu da Hego Euskal Herrian. Langabeen kopurua apaldu da 2023an: 4.641 gutiago kontatu dituzte Lanbideren eta Lansareren bulegoetan. Ondorioz, langabezia tasa %9,89an kokatu da.

Lan-kontratuei dagokienez, 54.415 kontratu berri sinatu ziren EAEn 2023ko abenduan, horietarik 11.812 mugagabeak izan ziren. Nafarroan 19.166 kontratu sinatu ziren, horietarik 3.814 mugagabeak.

Lanpostu gehienak zerbitzuen sektorean sortu dira.

Hegoaldean | 2024ko Urtarrilaren 11a

Osasungintza

Eusko Jaurlaritzako Osasun Sailak onartu du Europar Batasunaz kanpoko langileak hartzea, profesionalen eskasian diren medikuntzako 52 espezialitatetan eta erizaintzako 3 espezialitatetan, aldi baterako lanpostuak bete ahal izateko.

Euskal Herriko Agintaritzaren Aldizkarian (EHAA) argitaratu dute ebazpena, hor irakur daiteke "interes orokorreko arrazoiak direla medio", nazionalitatearen betekizunik ez dela eskatuko "defizitarioak edo betetzeko zailak" diren 55 espezialitatetan...

Hegoaldean | 2024ko Urtarrilaren 11a

Urtegiak %80 beteak

2022ko idortearen ondotik, Hego Euskal Herriko urtegiak ur eskasian ziren, baina alde horretarik gauzak hobetu dira. Estreinatu berri dugun urteko lehen asteko datuen arabera, urtegiak beren edukiera osoaren %79,3 beteak dira. Kopuru hauek azken hamarkadako batez bestekoak baino handiago dira.

Trantsizio Ekologikorako eta Erronka Demografikorako Ministerioaren arabera, ur emendatze horrekin, iaz baino 547 hektometro kubiko gehiago daude oraingo erreserbetan.

Esako urtegiak 372...