Hegoaldean | 2023ko Abenduaren 21a

Gero eta atzerritar gehiago EAEn

Eustat, Euskal Estatistika Erakundeak eman dituen datuen arabera, azken urte honetan %9,1 emendatu da Euskadiko atzerritar kopurua. Gaur egun, kanpo erresumetako 203.662 pertsona bizi dira EAEn, hots, erkidegoko biztanleen %9,3.

Herrialde amerikarretatik etorritakoak dira atzerritarren %44,1. Hauetako gehienak kolonbiarrak, nikaraguarrak, hondurastarrak, venezuelarrak eta paraguaiarrak dira.

Bestalde, %25,1 europarrak dira, gehienak Errumaniakoak. Ondotik heldu dira...

Hegoaldean | 2023ko Abenduaren 21a

Auzapez aldaketa Iruñean

Joan den maiatzeko hauteskundeen ondotik, UPN alderdiko Cristina Ibarrolak erdietsi zuen Iruñeko auzapez kargua, baina itxura guzien arabera, ez du luzaz iraunen postu horretan, haren kontrako zentsura mozioa aurkeztu baitute EH Bilduk, PSNk, Geroa Baik eta Zurekin Nafarroak. Zentsura mozio hau PSNk eta EH Bilduk hitzartu akordioaren ondorio da eta bi indar politikoek hiriaren egoeraz egiten duten diagnostikoa du oinarri.

Ontsalaz, Joseba Asiron (EH Bildu) izendatua izanen da auzapez...

Hegoaldean | 2023ko Abenduaren 21a

Esparza kexu gorrian

Iruñeko Udalean gertatu den afera biziki gaizki hartu du UPNko buru den Javier Esparzak, eta segurtatu du harreman oro moztu duela Alderdi Sozialistarekin. PSNkoak traidoreak, gezurtiak eta iruzur egileak direla erran du Nafarroako Parlamentuan iragan den osoko bilkura hasi aitzin. Bilkura hasi ondoan, berriz, Maria Txibiteri leporatu dio nafar hiriburuan PSNk eta EH Bilduk sinatu duten hitzarmena, eta erran du PSNren zuzendaritza "zaborra" dela. Adierazpen hauen ondotik, bilkuratik atera...

Hegoaldean | 2023ko Abenduaren 21a

Iruñeko Gobernu berria osatzeko bilkurak

Joseba Asiron buru duen EH Bilduren udal taldeko ordezkaritza bat Geroa Bai eta Zurekin Nafarroa talde politikoekin bildu da abenduaren 15ean, Gobernu programa bateratua adosteko xedez. Anartean, UPN Nafarroako Udal eta Kontzejuen Federaziotik atera da.

Hegoaldean | 2023ko Abenduaren 21a

2023ko Emakunde Saria

Mariasun Landa idazleak eskuratu du 2023ko Emakunde Saria, sormenaren bidez berdintasunari eta emazte eta nesken duintasunari egin duen ekarpenarengatik. Nerea Melgosa Berdintasun, Justizia eta Gizarte Politiketako sailburuak eta Miren Elgarresta Emakundeko zuzendariak agerraldia egin dute sariaren berri emateko, sariduna bera ere haien artean zelarik.

Melgosak Landarenliteratur lan zabala azpimarratu du. Sailburuaren iritziz, gipuzkoar idazlearen liburuetan leku berezia hartzen dute...

Hegoaldean | 2023ko Abenduaren 21a

Minbiziari buruzko ikerketa

Donostiako Quimatryx enpresak minbiziaren kontrako sendagai bat garatu du, eta hau gizakiarekin frogatzea onartu du Txinak. Erremedioak QTX125 molekula du oinarri, eta aldaketa kimikoa sortzen du zeluletan, gaitza hedatzea saihestuz.

Ana Arrieta eta Fernando Cossio EHUko irakasle eta ikertzaileek, Manel Esteller Kataluniako adituarekin batean, duela 18 urte asmatu zuten sendagaia, eta Donostiako enpresa ari izan da hura garatzen, 2015etik. Orain, berriz, nazioarterako jauzia eman du,...