Euskaraldiarentzat, Hiriburuko Herriko Etxeak ekimen anitz antolatu ditu. Ikusgarri bat ikusi dugu, beste egun batez, erritmoak landu ditugu txalapartaren ikasteko. Maialen eta Pantxikak ipuinak irakurri dauzkigute. Beste atelier batean, euskal dantzako dantza batzuk ikasi ditugu. Kantuak ikusgarri batentzat Watsonekin errepikatu ditugu. Txomin eskolarat etorri da zirkoaren lantzeko: salto, azpian, gainean, itzulipurdika. Anitz maitatu dugu. Milesker anitz atelier guzi horientzat!

bazterrak berotu!

Joan den ostegunean bazen mugimendu Donibane Lohizunen, Benjamin Griveaux Frantziako gobernuko bozeramailearen bisita zela-eta Euskal Herrian. CRSen 12 konpainia etorriak ziren politika arduradunaren zaintzeko! Parean ere 200 bat pasa jende hurbilduak ziren, Seaska eta Larrun Ez Hunki mugimenduek deiturik, bakoitzak bere aldarrikapenak zituela. Aitzin, aratsaldean, Mugerren egiten zuen enpresa baten bisita kari, "palto horiak" ere kurutzatu ditu, heiek ere beren kexua adieraziz, Donibane Lohizunera ere etorriak ziren. Eman behar zuen biltzar publikoa aitzin, bildu da Seaskako arduradunekin, negoziatzen ari baitira erakasle postu gehiago ukaiteko. Paxkal Indo Seaskako presidenta baikor atera da, entzunak izan direla, geroak erranen. Iragan den biltzar publikorat ere zenbaitzuk sartzeko parada ukan dure, galderak egiteko bereziki mingranteen kasuak direla-eta. Txio baten bidez Peio Etcheverry- Ainchart-ek zion "galdera zehatzeri erantzun konkreturik...

Joan den astean, Biarritzen 30 bat mugimendu bildu dira, 2019ko agorrilean iraganen den G7 gailurrari buruz beren ezadostasuna erakusteko. G7 taldean munduko zazpi herri handiak dira bilduko: Estatu Batuak, Japonia, Alemania, Frantzia, Erresuma Batua, Italia eta Kanada. 2014az geroztik Errusiak ez du parte hartzen. Kanadan, 2018an iragan zelarik 500 milioi dolar gostatu zuen, diru zama ikaragarriak xahutzen dituztela G7ko gailurrak direlarik salatzen zuten. Horrez gain, aipu da Ipar Euskal Herrirat 15.000 poliza etorriko direla, diru despendio handiak eraginez. Bestalde, mugimenduetako ordezkarientzat "errealitatean G7ko buruzagiek sekulan ez dituzte hitzemanak bete. Gailurren bukaerako adierazpenek xede politak zerrendatzen dituzte baina sekulan ez dira neurri konkretu eta behargarriak bilakatu". Aldi huntan Euskal Herrian izanez, arlo desberdinetan ari diren elkarteak bildu dira, kontra-gailurraren antolatzeko. "Kapitalismoaren kontra eta inperialismoaren zapalkuntzeri"...