Azken denbora hauetan bi plater nagusi ditugu usuenik mahai gainean: batetik erretreten erreforma, bestetik lurra eta etxebizitzaren problematika larria. Elikagai saminak, biak. Lehen plataz mintzatu zaigu Menane joan den astean. Goazen beraz bigarrenaren aipatzeari. Eta bereziki lurraren bilakaerari so egin diozagun, edo zehazkiago, laborantzako lurren zorte txarrari. Adibideak biderkatzen ari zaizkigu, kasik herri guzietatik heldu zaizkigula lur saltze deitoragarrien oihartzunak. Hala nola, berezikiago, Arbonatik, Kanbotik edo Bidarraitik. Aipatu gabe etxe saltzeak prezio ezin onargarrian, Saran bezala, berrikitan tokiko jendeak goraki salatu duena. Entzun berri dut lur edo etxe horien saltzaileak direla lehen hobendunak. Hala da, segurki. Baina erran behar da ere saltzera behartuak diren jabeak frangotan hortara sustatuak direla, etxe agentzia, berdin notario edo nik dakita zein arartekoarenganik. Espekulazioak ikaragarriko proportzioak hartzen ari...

Irakurri segida