Herriz Herri | 2024ko Uztailaren 04a

Mendi lasterketa

Uztailaren 5 eta 6an, mendi lasterketaren 47. edizioa iraganen da, urtero milaka kirolari hurbiltzen dira. Ostiralarekin eguerditik harat lasterkarientzat bizkarrekoak emanak izanen dira, gauazko lasterraldia iraganen da Arranomendi mendian gaindi (22:30). Biharamunean larunbatarekin ibilaldi desberdinak antolatuak dira, bazkaltzeko posibilitatea ere emana da.

Herriz Herri | 2024ko Maiatzaren 16a

Otxo taldea

Maiatzaren 24an mediatekak Otxo bikotea gomitatzen du (19:30). Lolita Delmonteil Ayral eta Maider Martineau dira taldea osatzen duten musikari-kantariak.

Kantariak, soinujoleak eta perkusionistak, musikak hainbat aurpegi ditu, beren jatorrizko tradizioen nahasketa da (euskal musika, musika okzitaniarra), nun melodia eta harmoniaren maitasuna aurkitzen diren.

Tokiak atxikitzeko: mediatheque@mairie-espelette.fr edo 05-59-59-09-80.

Herriz Herri | 2024ko Apirilaren 18a

"Hospitalité Basco Béarnaise" elkartearen biltzar nagusia

"Hospitalité Basco Béarnaise" elkarteak jende xahar edo ezinduak laguntzen ditu, bereziki Lurdeko beilan parte hartzeko. Adibidez, joan den urtean, 750 pertsonek eta 180 lizeotako gaztek laguntza ekarri zieten 360 beilariri buruilean, 4 egunez, urte guziz iragaiten den beilaren kari.

Aurten, joan den apirilaren 7an, "Hospitalité Basco Béarnaise" elkarteak bere urteko biltzar nagusia Ezpeletan egin du. Egun berezia elkartearentzat, Hazparne-Ezpeleta eskualdeko kideek, eta Géraldine...

Herriz Herri | 2024ko Apirilaren 11a

Eusko Eguna

Ipar Euskal Herriko tokiko monetak garatzen segitzen du. Eusko, moneta soil bat baino anitzez gehiago da, sozial lotura eta elkartasun ekarlea, balio jakin batzuk sustatzen dituen sarea eta lurraldearen eraldaketa kultural, ekonomiko eta ekologikoaren zerbitzurako den tresna.

Apirilaren 13an "Eusko Eguna" iraganen da, merkatu estalian. Besta herrikoia, haurrak eta helduak abusatzeko aktibitate eta animazio anitz izanen dira. Egitarau zehatza aitzineko astean astekari hunen bidez...

Herriz Herri | 2024ko Otsailaren 29a

Kontzertua

Martxoaren 2an (19:30), merkatu estalian, Rakatapunk, Xutik eta Esne Beltza talde ospetsuak entzuten ahalko dira. Gau horretan atera etekinak euskal preso eta iheslarien alde emanak izanen dira.

Txartela aitzinetik 10 eurotan eros daiteke: Ezpeletan Doxpi, Baionan Pirenes eta Zamain ostatuetan edo egunean berean 12 eurotan.

Herriz Herri | 2023ko Maiatzaren 11a

Kontzertua

Maiatzaren 21ean igandearekin, elizan (17:00), Ezpeletako Gozatuz emazte abesbatzak, Jean Paul Brust-en zuzendaritza pean eta Christophe Thomas gitarran, Behobiako (Irun) Bidasoaldekoak koru mistoa gomitatu du.

Talde bakoitzak 9 kantu emanen ditu eta bururatzeko 2 kantu elgarrekin.

Kontzertu goxoa: kantu euskaldunak gehienbat, baina gaztelaniaz eta zuluz ere bai, Gozatuz taldeari dagokionez. Sarrera 10 euro, urririk haurrentzat.