Herriz Herri | 2024ko Abenduaren 12a

Haurrentzat ikusgarria

Abenduaren 14an (15:30) Roule Ma Poule konpainiak "Le père Noël est enrhumé" ikusgarria emanen du. Haurren zorionerako, ipuina, magia, mimoa eta txotxongiloak nahasten dituen ikuskizun dibertigarria eta interaktiboa da.

Laponiako Bizar Xuriren etxean, iratxoak gogor lanean ari dira. Jakiten dute Bizar Xuri hoztu dela eta aurten opariak banatzeko ordezkatu beharko dutela... segida Hodi Aldean! Ondotik Eguberriko krakada eskainia izanen da.

Herriz Herri | 2024ko Azaroaren 07a

Kantatzeko gomita

Uda huntan herrian iragan den kabalkadak kantuz aritzeko jendea motibatu du. Euskal kantuen bai eta ere munduko kantuak ezagutzeko eta lantzeko gogoa izanez, proposatua da hamabostetik ostiraletan biltzea (20:30-22:00). Gomita zabaldua da ostiral huntan, azaroaren 8an Hodi Aldean biltzea proiektuaren aipatzeko eta lehen kantuen lantzeko. Xehetasunentzat: 06-85-75-54-35.

Herriz Herri | 2024ko Urriaren 17a

Kontzertua

Baigura ikastolak urriaren 19an Hodi Aldean kontzertua antolatzen du (19:00), parte hartuko dute Ixtaklok, Maskak, Dupla eta DJ Àƒ'œzkülüz-ek. Arrastiritik harat ostatua idekia izanen da, Arberoako txarangak animaturik.

Sartzea 12 urtetik goiti ordainduz, 16 eurotan.

Herriz Herri | 2024ko Urriaren 10a

Numerikoan laguntza - Liburutegia eta joko-lekua

Numerikoan laguntza

Ostiral arratsalde guziz Hazparneko Fablabea elkarteko Sylvain etorriko da. Laguntza ekarriko du numeriko tresnen erabiltzeko, online bidez desmartxak egiteko... Interesatuek sylvain@fablabea.eus bidez izena eman lezakete. Kurtsoak Hodian elkarte gelan iraganen dira, tailer bakoitza 15€ kostako da.

Liburutegia eta joko-lekua

Urriaren 16an,...

Herriz Herri | 2024ko Irailaren 19a

Fitness eta pilate kurtsoak - Adinekoentzat tailerrak

Fitness eta pilate kurtsoak

Aste huntan Hodi Aldean fitness (19:00-19:45) eta pilate (19:45-20:30) kurtsoak hasi dira, asteazken guziz iraganen dira. Ez da berantegi, interesatuek izena emaiten ahal dute 06-86-47-19-29 numerora deituz. Urtearentzat 100 euro ordaindu beharko da.

Adinekoentzat tailerrak

Ostegunetan (9:00-10:00) oreka atxikitzeko ariketak erakutsiak izanen dira, ondotik (10:15-11:15) beste oren batez...

Herriz Herri | 2024ko Irailaren 12a

Herriko bestak

Herriko bestak direlarik, larrazkena hurbiltzen ari dela marka! Aurten irailaren 12an, ostegun huntan hasiko dira, Hodi Aldean uda huntan iragan kabalkadaren parte bat proiektatua izanen da. Ostiral arrastirian (16:00-18:00) haurrentzat jostailuak izanen dira, trinketean Elite Pro pilota txapelketako finalerdiak (17:30), arratsean joan den astean aipatu bertsu afaria Jon Maia eta Nerea Elustondorekin (20:00), edo plazan "Chouffe gaua" Artzabale eta Frigo taldeek animaturik. Larunbatean...