Herriz Herri - Aldude (NB) | 2018ko Ekainaren 28a
Henriettek 80 urte
Z.L.A, 2018ko martxoan
(Airea: Igande arrats eztiño batez)
1.
Joalginen bordan joan mendeko hogoi-ta-hemezortzian
Baptiste, Piarre bai Mayou, Terex zitaizken zorionean
Etxea baita argi distiran sortze berri bat denean
Henriette deitu zuten elizan bataiatu zutenean.
2.
Henriette baitzen haunditu gure zelai-mendier begira
Eskolan erne 'kasita ukan estudien certificat
Gero seroren kolegiorat ikasle Uztaritzera
Bai hemeretzi urtekin errients itzuli zen Aldudera.
3.
Hazi gazteak oneski ditu bizi bidean argitu
Baita taldeak antzerkietan bihotz bihotzez gidatu
Berrogoi urtez dauku ibarrean ttipi-haundi eskolatu
Eta ondoren irakurketan haur gazteeri segitu.
4.
Arbasoen lurrak ikusi nahiz Argentinan bisitari
Itsasoaren beste aldean eskola emaiten ari
Kermeza edo ferietako Alduden da aipagarri
Argazki eta bertze bildumak erakutsiz jendeari.
5.
Joan mendeko lauetan hogoi-eta-hameka urteak
Aldatu ditu zure aipamen, izen ta bizi bideak
Poztu gintuen, Henriette, Louis, elgarrekin ezkontzeak
Elorrietan goxa bizia elgar lagunduz suerteak.
6.
Mende huntako hemezortzia martxoak seia eguna
Henriette dugu lauetan-hogoi urte konplitzen duena
Bilduak gira ospatu nahiz zure omen ta adina
Henriette zuri besarkada bat, baita mila zoriona.
