|Makea

Lekorne eta Makeako eskola publikoko besta iragan da joan den ostiralean, anitz jende hurbildua zen haurrek eman ikusgarrira. Aurtengo gaia "Cowboys Stars" hautatua zuten. Joan den ihauterieri buruzko begi kliska zen, burasoek egin baitzuten dantza bat. Ikusgarrian, haurrak bidaiatu dira, Txina, Afrika, Mexiko eta Euskal Herrian, dantza talde famatu horren bila ibilki zirela. Azkenean agertu dira, publiko artean ziren! Kalitate handiko ikusgarria eman dute, eskolako presidenta baliatzen zela Makea-Lekorne eskolako zuzendaria eskertzea, hainbat urtez lanean arizanik. Gaualdiak segitu du ostatuan, talo batzu janez. Bakantza onak pasatzea desiratzen dugu haur eta errienteri!

3456. zbk

Mozkortzen dena aise bilakatzen da bildotx, urde, zimino edo lehoin

(Danimarkako erran zaharra)

Gure Hitza | 2018/06/28

Manex Pagola

Jean-Louis Harignordoquy

Ederra bezain hunkigarria zen ehorzketetan, Urketako elizako aldarean ezarri pantailan ikusi dugun bideoa, zoinek laburbildu baitu Manex zenak sortu kantagintza. Zazpiribai, Ortziken, Kantabi eta bertze kantaldi frango. Orotara 120 kantu berri sortzea, hitzak eta doinua barne, ez da lan ttikia izan, hortarako dohatua zenarentzat ere. Landibarreko errexiñoleta ez zen beretzat bakarrik ari. Bertzeen akulatzaile ere bazen. Zonbat artixta doi bat herabe ez ditu bultzatu eta lagundu taulen gainera igaitera! Bere denboran osoki berritzailea izan da. Trebezia haundiarekin elgarri lotzen zituen kantua eta musika tresna ezberdinak, araberan ikusgarriak edertzeko. Halaber, hainbertze abeslarik haren kantuak beren zerrendetan sartzeak argiki erakusten du Manexek asmatu doinuak gustagarriak direla, haren mezuak ulertuak eta beti partekatuak. Ekainaren 18an Euskal Erakustokian egin dugun bezala, heien kantatzen segitzea da Manexek merezi omenaldirik ederrena. Zonbait urte lehenago, Baionan...

Irakurri segida

PDFa jaitsi