Bestaberri eta Otaba ondo

Aro ona lagun, ederki joan dira elizkizunak bi igandez.

Aro ona lagun, ederki joan dira elizkizunak bi igandez. Bestaberri Donoztirin eta Otaba Donamartirin. Gazteria serioski eta kartsutasun handiarekin bildurik ospatu da Sakramendu Saindua. Soinularien lerroan hiru herritar, Gilles, Philippe eta Michèle neska gaztea. Arberoa aldean ere bizirik dira uroski kantua, dantza eta soinua, Euskal Herriko ohiduretan baitira horiek premiatsuenak. Biba gazteria ederra! Eskerrak ere laguntzaile guzieri. Milesker Dominique Errecart, Frantses Dardan parropiako erretora, eta Xipri Arbelbide apez laguntzaileari. Heldu den urte arte.

3408. zbk

Gatu batek ez dezake ukan lehoi baten bizi-molde bera.

Spinoza

Gure Hitza | 2017/07/06

Salaketaren gizartea

Peio Jorajuria

François Bayrou Justizia ministro ohiak, bere kargua hilabete soil baten buruan uztera behartua izanik, gaitzetsi ditu mundu mediatiko horretan eta sare sozialetan salatari-malatari lanetan ari direnak, Grezia Zaharreko "sycophantes" famatuei konparatzen zituela. Sycophantes horiek "salatari profesionalak" ziren. Hemen izenda genitzake salatari-malatariak. "Salatari-malatari, apez-uzki milikari" dio erran zaharrak. Kasu honetan milikatzea baino urrunago doa salatariaren lana, "profesionala" izanez geldi geldia salatzeak baitio ogibidea segurtatzen.

Grezia Zaharrean salatari horiek beren lan hitsa zeramaten, ez jendetasunez edo gizalegez, baina soilki beren sakelak betetzeko xedez, frankotan garrantzia gutiko saltsak zituztela plazaratzen. Demosthene greziar politikariak "populuaren zakurrak" deitzen zituen. Hori guzia gogoan zukeen Bayrou biarnesak salatari-malatari horiek aipatzean. Eta egia da badela gogoetatzekoa gaur egun gauzak nola iragaten ari diren ikusi-eta. Ez...

Irakurri segida

PDFa jaitsi