Mundu zabalean | 2017ko Uztailaren 06a
Portugaleko suak
M.P.
Izigarriak ikusirik eta jasanik, joan den astean Mattin Larzabalek hemen berean aipatu bezala, Portugaleko su gehientsuak garaituak direlarik orain aste bat honetan, konduen tenorea ere hor da.
Izigarriak ikusirik eta jasanik, joan den astean Mattin Larzabalek hemen berean aipatu bezala, Portugaleko su gehientsuak garaituak direlarik orain aste bat honetan, konduen tenorea ere hor da. Eta ez nolanahikoa. 26.000 hektara kiskailiak, artean harrapatu 66 hil eta hiru aldiz gehiago zauritu handi ere beraz. Sekulan ez zuela horgo jendeak holakorik ikusi leku hoitan, Perdroga Grande eskualdean. Beharrik laguntza handiak jin zaizkiote Espainiatik, Italiatik eta Frantziatik ere. Betiko nigar eta etsimenduak entzun dira bistan dena, bereziki jende bat bazela hor, adinekoa, xahartua eta nehora ezin ibil edo lekutu! Autoak berak arras blokatuak! Gobernuan ere gertakari hoieri kasu gehiago eginen ahal dute orain, hemendik goiti bederen. Hango on dena hemengotzat ere bali, baita hemen ere, harat joan gabe, oihan zikin frango, bideak berak trabatuak, laparrek hartuak azkarki. Honek guziak ez baitu errexten suhiltzaileen lana. Ordu baita herrietako arduradunak hortaz ere ohar ditezen.
