Jada Baionako besten programaz aipamenak han eta hemen agertzen ari dira eta horra hainbat urte hautan euskal kulturaren bil lekua den gaztelu zaharraren azpian lau arratsalde eta gauez iragaiten den Karrikaldiren programaren berri, uztailaren 27tik 30era.

Jada Baionako besten programaz aipamenak han eta hemen agertzen ari dira eta horra hainbat urte hautan euskal kulturaren bil lekua den gaztelu zaharraren azpian lau arratsalde eta gauez iragaiten den Karrikaldiren programaren berri, uztailaren 27tik 30era. Leinua eta Orai Bat dantza taldeek ostegunetik igande arte hasiko dute ekitaldia arratsaldeko 4ak eterditan, ostiralean haatik Iparraldeko makilarien txapelketa iraganen delarik usaian bezala. Kantarien aldetik arratsaldeko 5ak eterditarik haste, zinez hautua daike, ostegunean Haiz'Egoa Ttipi korua eta Zeze elektro trad taldearekin, ostiralean Pauline eta Juliette bikote ezagunarekin, larunbatean Lizarrako joteroekin eta igandean Seitan garaztar talde polifonikoarekin. Leinua eta Orai Bateko txarangek segurtatuko dute Dantzazpi arratsaldeko 7etan, eta Baionan Kantuz arratseko 8etan, Tuntunak eta Ibaialdekokorok. Karrikadantzarentzat lau talde aldizkatuko dira arratseko 9etatik goiti: Okzitaniako La Plaque eta Lapurdiko Klip eta Klop, Bim eta Gom eta Trikili Trakala. Ahantzi gabe Baionako eta inguruko ikastolek xerbitxatuko dituzten edari, talo eta janariak, leku aireztatu hortan, nun jartzeko lekuak ere badiren. Programaren xehetasunak www.baionan-kantuz. eus webgunean daude. Bestak arte!