Herriz Herri - Aiherra (NB) | 2017ko Irailaren 14a
Thomas Ospital herritarren lehen diska
Thomas Ospital herritar musikaria diska baten ateratzekotan da.
Thomas Ospital herritar musikaria diska baten ateratzekotan da. Hori dauku jakinarazi azken egun hautan LE FIGARO kasetan agertu artikulu handi batek. Honek dio musikari handia dela Thomas, munduan zehar kontzertuz kontzertu ibilki den 27 urteko herritar gaztea. Bi urte badu hau Pariseko Saint-Eustache elizan organo joile titularra bilakatu zela, eta joan den urtean "Maison de la Radio" guneko entzutegian artista gisa sartu zen, hor sartu zuten lehen organo berriaren titularra bilakatuz. Heldu den urrian, kontserbatorio nazionalean musika erakasle gisa hasiko da. Hots, ez da geldirik egoiten Thomas. Beharrik noiztenka heldu dela Aiherrako sortetxera, hatsaren hartzeko doia. Goresmenak zuri Thomas!










