Herriz Herri - Lekuine (L) | 2017ko Irailaren 14a
Itxaropenezko biradak
"Mukobisidosa garaitu" elkarteak antolaturik, irailaren 24an iraganen dira Itxaropenezko biradak Lekuinen.
"Mukobisidosa garaitu" elkarteak antolaturik, irailaren 24an iraganen dira Itxaropenezko biradak Lekuinen. Aurtengo hau 33. edizioa da, betiko helburuekin muntatua, besteak beste eritasun horren kontrako ikerkuntza lagundu, hobekuntza zalutu, erien eta familien ongizatea sustatu. Lekuinen, igande hortan, "Egin urrats, eman hats"goiz kiroltsua iraganen da, oinezko hiru ibilaldirekin (8:00-8:30: 25km, 9:30-10:00: 12km, 10:30-11:00: 4km) eta mendi-bizikletazko 3 ibilaldi ere (8:30: 35km eta 25km, 9:15: 12km). Eguerditan ezkerparetan bazkari alaitua, ondotik haurrentzat animazioak. Bi egun lehenago, haatik, irailaren 22an, ostiralez (20:30), elkarte berdinak antolaturik eta xede beretan, Lehuntzen iraganen da dantza ikusgarri ederra: lehen partean, Urtsuko Xoriak ikusiko dira dantzan, bigarrenean Zarena Zarelako konpainiak "Herrikoa" dantza ikuskizuna du eskainiko. 2016an, Frantzian gaindi antolatu diren 350 biradek 5,8 milioi euro ekarri zuten. Eman dezagun aurten ere hats!
