Iragan apirilean, Lagun Alai herriko korala Gernikan izan zen, 1937ko apirilaren 26an jasan zuen bonbardaketaren 80 urteurrenaren oroimen kari antolatuak ziren ekitaldietarik lehenean kantatzera.

Iragan apirilean, Lagun Alai herriko korala Gernikan izan zen, 1937ko apirilaren 26an jasan zuen bonbardaketaren 80 urteurrenaren oroimen kari antolatuak ziren ekitaldietarik lehenean kantatzera. Andra Mari bertako koruarekin eman zuen kantaldia. Bien arteko loturak azkarturik, bizkaitar korua heldu zauku Eguberriko kontzertuan parte hartzera Lagun Alai koruarekin batera. 1978an sortua, 2002az geroz Espainian eta Euskal Herrian gaindi kantatu du eta sariketa ainitz ere eskuratu: Tolosan, Zumarragan, Avilesen, Bartzelonan eta abar... 2005az geroz, ibilbide musikal aberatsa daukan moldaviar Carolina Fetescu da hunen kantu zuzendaria. Azken bost urtetan, "Escuela de Musika Segundo Olaeta"-ko bandarekin, "Bakearen Doinuak" proiektuaren sortzaile izan da, eman kontzertuetan bertze koru batzuk ere parte hartzen zutela. Koru hunen xedea da musika elementu baitezpadakotzat hartzea, harreman aberasgarrienak sortuz kideen artean baita bertze koruekin ere. Plazerekin entzunen ditugu Eguberriko kontzertu hunen lehen partean. Bigarrenean, Lagun Alai-k errepertorio berritua proposatuko du, zonbait kantutan Alain Petoteguy orgina-joileak lagundurik. Kontzertua abenduaren 17an da igandez, arratsaldeko 5.30etan, eliza berotuan. Gomita deneri zabaldua da, eta sartzea ere urririk. Etor arratsalde goxo baten pasatzera.