Herriz Herri - Beskoitze (L) | 2017ko Abenduaren 07a

Antzerki festibala

Hazparneko Eihartzea kultur etxeak Francis Jammes antzerki festibala antolatzen du abenduaren 8tik 10era, Beskoitzen, Hazparnen eta Lekuinen.

Hazparneko Eihartzea kultur etxeak Francis Jammes antzerki festibala antolatzen du abenduaren 8tik 10era, Beskoitzen, Hazparnen eta Lekuinen. Lehen antzerkia Beskoitzeko Bixintxo kultur etxean iraganen da, abenduaren 8an (20:30): Ttanttaka Teatroa konpainiaren "Muxua". Bigarrena Hazparnen, Mendeala gelan, abenduaren 9an (20:30): Chimères konpainiaren "Azken itzulia". Eta hirugarrena Lekuinen, Lilipean gelan, abenduaren 10ean (15:30): La Fabrique Affamée konpainiaren "Ajnab, le moissonneur de sons".

Herriz Herri - Beskoitze (L) | 2017/12/07

Eguberriko lagunak

Abenduaren 16an antolatzen du Leizarragako Lagunak elkarteak Eguberriko kantaldia Bixintxo kultur etxean, larunbat arratsez (20:00).

Irakurri segida

Herriz Herri - Beskoitze (L) | 2017/12/07

Beskoitzeko ur gaziak

Interes handiarekin segitua izan den mintzaldi mamitsua eskaini du Henri Duhau beskoiztar senpertartuak joan den larunbat arratsaldean Bixintxo kultur etxean, hau publiko kopurutsuaz betea zagola.

Irakurri segida

3428. zbk

Deusik ez da osagarria baino baliosago daitekeenik.

Sokrates

Gure Hitza | 2017/12/07

Abendoko loreak

Janbattitt Dirassar

Sasoi batean, ainitz aipatzen dira maiatzeko loreak. Ez baitugu ahanzten maiatza dela hilabete bat guziez loretsua, bere euskal-izen xaharra ere loraila izanki preseski...

Sasoi batean, ainitz aipatzen dira maiatzeko loreak. Ez baitugu ahanzten maiatza dela hilabete bat guziez loretsua, bere euskal-izen xaharra ere loraila izanki preseski... Joan den egunean, zonbait lagun solasean egoki-eta, hauxe jin zaigu gogorat, abendua ere biziki loretsua dugula! Ez batere lore berdinekin haatik... Baina zein lore ederrak, ez badira ere arrosak eta julufriak!

Hasteko, hor dugu Eguberri, neguko solstizio delakoari josia. Zer den Eguberri haatik, doi bat galduak ere ibiltzen ahal gara. Iaz bat-batean ohartu ginen Baionan segurik Eguberri dela kasik berrogei egun irauten duen bestaburu bat! Garizuma bezain luzekoa beraz, bizpahiru egun eskas. Aurten nasaiki hedatuak izan diren paperño batzuk gauza bera garbiki salatzen dute, Eguberri hasi dela abenduaren lehenean bururatzeko urtarrilaren 7an. Komertsanten dei kartsu bat, gure erosketak Baionan egin ditzagun eta ez beste nonbait... Zein erosketa? Baina Eguberrikoak bistan da, Eguberri delakoz, oroz...

Irakurri segida

PDFa jaitsi