Azaroaren 27an San Frantses kolegioan 30 bat ikaslek hastean bakeaz kantu bat eman eta, Jean-François Bernardini korsikar gizon gazteak mintzaldi hunkigarria egin du kaperan bilduak ziren bertako eta San Josep lizeoko 250 bat gazteren aitzinean.

Azaroaren 27an San Frantses kolegioan 30 bat ikaslek hastean bakeaz kantu bat eman eta, Jean-François Bernardini korsikar gizon gazteak mintzaldi hunkigarria egin du kaperan bilduak ziren bertako eta San Josep lizeoko 250 bat gazteren aitzinean. Gaia: Bortizkeria-eza. Hortarako zer bide? Lehena doa gizaki bakotxaren estimatzea. Munduan bizia sakratua da, gizaki bakotxa berezia, nihor ez berdinik. Bere bizia bi belarrien artean dauka. Hor dago nihork sekulan asmatuko ez duen indarreko ordenagailua. Sorkuntzen asmatzea, emozio bizitzea, denak hortik doatzi. Biziaren edozoin kasutan beti doa buru, bihotz eta eskuen hesitzea. Mundua birusez betea da; batzu eskale bizi alkohola lagun, beste batzu aberats okitu dirua berdin zuzenkontra bilduz (mafia aipatu du), erlisione ezberdinekoak gaizki ikusiak, lurra funditua. Ez laike nahasi behar ukaitea eta izaitea. Jende guti mintzo da bortizkeria-ezaz. Denek behar dugu gure buruaren erantzule izan. Berotasuna edo garra on da kausitzerako. Gauzen behar bezala entzuteko bi manera agertu ditu: txakal moldea bortizkeria gogoan edo girafe moldea goxoki eta lañoki. Armen erabiltzea akats handia da. Haserre bulta batean 3 sekunduz bizi bat ezeztatzen ahal da.