Herriz Herri - Senpere (L) | 2017ko Agorrilaren 10a

Landarbaso elizan abuztuaren 13an

Kantari talde ospetsu hunek iaz ere sekulako ikustaldia eman zuen, pentsatzekoa da gogoeta berarekin ikusiko dugula igande arratsean 21:00etan.

Kantari talde ospetsu hunek iaz ere sekulako ikustaldia eman zuen, pentsatzekoa da gogoeta berarekin ikusiko dugula igande arratsean 21:00etan. Ekitaldi hau joan den astekoa bezala Donostiako Musika Hamabostaldiaren kari emana zauku, Senpereko Kultur eta Ondare elkartearen laguntzarekin. Iñaki Tolaretxipi dutela zuzendari Landarbaso abesbatzan, entzunen ditugu Helena Orcoyen sopranoa, Mikel Uskola kontratenorra eta Enrique Sanchez-Ramos baritonoa, Josu Elberdin-en Te Deum eta Carl Orff-en Carmina Burana obren interpretatzen. Azken obra horrek, 1937an estreinatu zenetik, sekulako arrakasta ukan du mundu guzietako publikoen aitzinean. Mundu huntako plazerak eta naturaren gozamena azpimarratzen ditu Erdi Aroko olerki batzuen bitartez. Kontzertuaren iraupena oren bat eta erdi, publiko guzieri zabaldua, prezioa 20€ (5€ 14 urtez petik). Erreserbak Euskal Herriko turismo bulegoetan eta segurki lekuan bertan, kontzertua aitzin.

Herriz Herri - Senpere (L) | 2017/08/10

Pilotan bi ekipa final handian

Aste nagusian gure herriko bi talderen ikusteko aukera izanen dugu, pilota plazan esku-huska.

Irakurri segida

Herriz Herri - Senpere (L) | 2017/08/10

Sortze eta heriotze ekainean

Hiru sortze deklaratuak izan dira Herriko Etxean. Horra beraz senpertar berri hauek nor ditugun: Cailly Thaisa Landaburua karrikan; Willocq Danny Amotz Gaztanbidean eta Borthaire Lukas Igel karrikan. Ongi etorria har dezatela eta zorionak hauen burasoeri. Bertzalde bi heriotze seinalatu dauzkute: Marie-Pierrette Castan sortzez Duhalde 78 urte eta Miot Michel 88 urte. Dolumin bizienak hauen familia eta ahaideeri.

...

Irakurri segida

Herriz Herri - Senpere (L) | 2017/08/10

Artisauen eguna abuztuaren 15ean

Artisau/artisten merkatuak egun osoa iraunen du, 10:00etatik 18:00ak artean, Andre Dena Maria besta kari.

Irakurri segida

Herriz Herri - Senpere (L) | 2017/08/10

Abisu

Odol emaitea iraganen da abuztuaren 16an, goizeko 7:30etatik lekura, Senpereko eskola publikoan, ohikoa den tokian. Beti bezala denak gomit gira, emaile gazteak bilatzen dituzte, behin betikoz erritmoa hartuz geroz, beharrezko urrats errexa bat bilakatzen da, denen onetan.

Irakurri segida

Herriz Herri - Senpere (L) | 2017/08/10

Agorrilaren 19an Kanta Kanti gaua

Agorrilaren%2019an%20Kanta%20Kanti%20gaua

Aurten ere eta araiz usaian bezala, gure gomita zabaltzen dizuegu Kanta Kantirentzat.

Irakurri segida

3413. zbk

Zahartzearekin iduritzen zaigu egunak gero eta laburragoak direla.

Oliver Goldsmith

Gure Hitza | 2017/08/10

Presatuak!

Janbattitt Dirassar

Sasoi betean gara. Beti erraiten da alabaina sasoia gorenean izaten dela agorrileko Andredena Marietan. Handik harat, buruz beheiti doala... Eta nolako sasoia beraz aurtengo hau?

Sasoi betean gara. Beti erraiten da alabaina sasoia gorenean izaten dela agorrileko Andredena Marietan. Handik harat, buruz beheiti doala... Eta nolako sasoia beraz aurtengo hau? Badira jadanik galde hori egiten dutenak baina bistan da aise goizegi dela kontu batzuen ateratzen artzeko, bide-erditan baizik ez baikara oraino, eta bestenaz ere jakinaren gainean gure eskualdean udazkenak baduela halako grazia berezi bat, bazterrak koloretsu, hitzordu asko eta asko ba Omiasaindu arte, musikaldi arraro batzuk eta besta alegera franko, Biperrarena besteak beste Ezpeletan hain kartsuki muntatzen dutena... Uda guzian jadanik ere izan da eta bada oraino nun zer ikus eta nun zer entzun. Alde batetik, usaiako ospakizunak bistan da baina ere batzuk artetan baizik ez direnak eskainiak, lan handia izaten delakoz heien muntatzea, hala nola hilabete honen 26an Urruña azkarki harrotuko duen Karrikaldi hori, euskal mitologia gogoan asmatua, gaitza izanen dena itxura guzien arabera... Horiek hola,...

Irakurri segida

PDFa jaitsi