Pasaiako Albaolarat

Pasai San Pedroko Albaola fabrikan zenbait urte hauetan eraikitzen ari dute San Juan atunontzia, arrunt lehen egiten zen moldean. Fabrika hori itsas museo ere bilakatua da, zinez ikustekoa dena. Hain zuzen, Otxaldetarrak elkarteak haraterainoko ateraldia antolatzen du urriaren 30ean, igandez: goizean fabrikaren bisita gidatua eta eguerditan bazkaria Pasai Donibaneko jatetxe batean (25€). Abiatzea eginen da goizeko 8etan Noblianeko aparkaletutik, autobusez, arratsaldeko 7ak irian itzultzeko. Interesatua denak bere izena baitezpada eman behar du urriaren 16a aitzin (tel. 06.07.56.63.10).

Erle Eguna

Antolatzaileak gustura gelditu dira igandean gure herrian iragan den Erle Beltzaren Egunaren arrakastarekin. Jendea ibili da egun osoan, tokiko ekoizpen merkatuan bereziki (ezti, gasna eta beste). Bi mintzaldiek ere À¢'€'" bata liztor asiatikoaren kontrako borrokaz, bestea erle basa desberdinen inportantziaz polinizazioan À¢'€'" bildu dute jende, aldi oroz 40 bat lagun. Interes handiko solasaldiak izan dira. Ezti hoberenaren lehiaketa ere iragan da. 18 erlezainen eztiak ziren lehian. Epaimahaiaren hautua: 1. Jose Fernandez, Baiona, 2. Joan Hamelin, Bitiriña.