Klasako bazkaria - Aurten 80 urte egin dituztenak, buruilaren 25ean, igandez elkarretaratu dira, Pikasarriko jatetxean, 23 baziren. Bazkari ona zerbitzatua zen, Jean-Jacques sukaldariak prestatua. Etorriak zirenek izigarriko memento ona pasatu dute, lehengo istorioak aipatuz, arratsaldeko 5ak inguru elgarretarik aldatu dira, galdeginez orain bertze holako eguna noiz muntatuko den?

Pastorala - Urriaren 15 eta 16an Zugarramurdiko lezetan izanen da, txartel guziak salduak dira. Aldiz Saran urriaren 22 eta 23an iraganen da, txartelak oraino badira, Herriko Etxeko edantegian salgai direnak.

Usoaren konfraria - Urriaren 16an igandez iraganen da, goizean Lur Berri gelan gosaria hartuko dute, gero meza (10:30) eta bazkaria Zugarramurdiko Azketa jatetxean.Herriko Etxeak antolatzen du erretratuen ateraldia, urriaren 26an, asteazkenez. Autobusa abiatuko da igerilekuko aparkalekutik (8:30), bidean izanen da gosaria, Bankako amuarrain lekua bisitatu, Aldudeko Menta jatetxean bazkaria, gibelatekoan Herriko Etxeko ostatuan azken uztarra. Izen ematea Herriko Etxean, urriaren 21a aitzin, bakotxarentzat 30€ ordaindu beharko da, bikotean baldin bazarete 45€ bakarrik, egun hortan norbaitek zure bila etorri behar badu, abisatu izena ematean. Etorri ahal duzuen guziak, denek elgarrekin egun goxo baten pasatzera.

Pilota trinketean - 2. mailan: Gurruchaga Betti-Calvet Daniel galtzaile 40-16 Airetik-en kontra, Mariluz Julen-Etcheverry Unai irabazle 40-39 Noizbait-en kontra, Mougica Iban-Lecuona Aritz irabazle 40-03 Oztibartarrak-en kontra. 3. mailan: Alfaro Ellande-Elizalde Lauran galtzaile 40-36 Zaharrer Segiren kontra. 4. mailan: Agesta Joan-Mariluz Patrick irabazle 40-23 Kapito Harriren kontra.

Errugbia - Sarako taldeak heldu den larunbatean sasoia hasiko du, Donostiako taldearen kontra. Gan den sasoian txapeldun atera ziren, ikusiko aurten gure basurdeek zer eginen duten, joka finki eta suerte on!