Tximi-Txamak 20 urte

Ospakizunak urririk, urriaren 15ean eta 16an, izanen dira herriko pilota-plazan (10:00-00:00). Pintxo potea, kontzertuak eta krakada izanen dira.

Ibardingo krono-eskalada

Urruñako herriak bizikleta lasterketa antolatzen du, herriko plazatik Ibardineraino. Urriaren 15ean, larunbatarekin (08:00), 8,3km 350 metroko desnibela. Guziei idekia: kadeteak, juniorrak, seniorrak eta beteranoak, emazteak eta gizonak, ahalmen urriko pertsonak. Prezioa: 14€, izen eman pb-organisation.com.

Erlaitzeko errepidea zabalik: petizioa

Euskal Erlaitzeko Herritarren Elkarteak (EEHE-k) petizio bat zabaldu du, Urruña eta Hendaia arteko euskal erlaitzeko errepidearen mantentzea eskatzeko. Honako puntu hauek eskatzen dituzte:

1.- Berritze eta desbideratze lan handiak, ikerketek identifikatu dituzten lekuetan, errepideak luzaz iraun ahal izateko.

2.- Errepideari jarraikitzen zaion itsasbazterreko xendraren zabaltzea, antolamendu batekin ikerketek identifikatu dituzten lekuetan.

3.- Iraupen laburreko aparkaleku segurtatu batzuen antolatzea.

4.- Bizikleta bide baten sortzea, errepideari paralelo doana. Nahi baduzu errepidea mantendua izan dadin, sina ezazu petizioa:https://chng.it/XtCBTL9p bidez.

Bertsu eskola zabalik

Urruñako Bertsu eskolaren kurtsoak asteazkenetan izanen dira (15:15).

Euskara kurtsoak

"Bideuskara" akademiak Urruñan euskara kurtsoak ematen ditu, A1 mailatik C1 mailara. Irakaslea lizentziaduna da "Euskara eta Euskal Zibilizazioan" eta esperientzia profesional handikoa. Kurtsoak haurrendako, zein gazteendakoak dira. Harremanetarako: 06-32-45-21-29edo bideuskara@gmail.com.

Airoskiren euskal dantzak

Jadanik hasiak dira kurtso berriak. Badira maila ezberdinak haurren adinari begira.

Organo kurtsoak

Organo liturgikorako hastapenak eta inprobisazioa, 6 urtetik goitikoentzat. Prezioa: 67€, hiru hilabeterentzat, informazioa: 05-59-26-92-71 / contact@orgues-urrugne.org edo classe-orgue-cotebasque.blogspot.fr.

Ekoizleen webgune berria

Herriko saltegi, artisau, zerbitzu enpresa eta ekoizleen webgune berriazabaldu dute: entreprises.urrugne.fr.

Arropa merkatua

Hilaren 8an (10:00-16:00), Kixoenea Elkarteen Etxean, era guztietako arropa izanen da salgai eta biziki prezio onean.

Christiane Giraud-en erakusketa

Urriaren 11tik azaroaren 10era zabalik izanen da Posta Gelan, Christiane Giraud eskulturagilearen erakusketa.

Yoga kurtsoak

Asteartetan (9:00-10:30 / 17:30-19:00) eta ostegunetan (09:00-10:30 / 18:00-19:30), kanpoan Etzanbordako bidean edo gelan Bikieneko bidean (Postaren kolonia ohia). Informazioa: 06-73-77-05-63 / kristin@artola.fr.

Phauna kolektiboa zineman

Itsas Mendi zineman, urriaren 20an (17:00), 6 urtetik goitikoentzat. Iraupena: 50 minutu. Hitzik gabea, hau da, mutua.