Herri Soinuk ekitaldi desberdinak antolatzen ditu, horietan ezagunak diren Hartzaro eta Herri Uzta festibalak, Euskal Herriko musika eta dantza tradizionalen, ondarearen eta sorkuntzen inguruan. Urriaren 7an eta 8an bi hitzordu proposatzen ditu. Aurtengo ekitaldian leku berezia emana izanen da Koldo Zabala dantzari famatuari, 2014an zendua.

Urriaren 6an, Koliseoko antzokian (20:00), "Koldo Zabalaren bizia eta obra" hitzaldia proposatua da. Dantzariaren anekdotak eta lekukotasunak entzungai izanen dira, bideo proiekzio batek lagundurik, Koldo Zabala hurbiletik ezagutu duten pertsonek ere berena emanen dute.

Urriaren 7an (20:00), Gare du Midi aretoan Oldarra Balletak "Zabaltzen" ikusgarria lehen aldikoz emanen du. Koldo Zabala Oldarra Balletaren oroimenez egin ikuskizuna da. Sartzea 15€, 12 urtez petik 7€.

Urriaren 8an, egun osoan animazioak izanen dira. Dantza desfilea, Gare du Midi gunetik abiatuko dena (10:00): Arrola (Baigorri), Begiraleak (Donibane Lohitzune), Izartxo (Uztaritze), Orritze (Irurtzun) eta Udaberri (Tolosa) dantza taldeek emanik.

Herriko Kasinoko Antzokian (20:30), "Dama" ikusgarria, Jokin Irungarayk sortu ikuskizuna izanen da. 12 musikarik eta 6 dantzarik Mundarain mendian gertatu omen den leienda batetik abiatu obra da. Sartzea 15€, 12 urtez petik 7€. Gauak segituko du Mizandu Gaztetxean Xutik taldearen kontzertuarekin (22:30).

Erreserbak Biarritzeko turismo bulegoan: www.tourisme.biarritz.fr edo 05-59-22-44-66 bidez egin daiteke.