Herriz Herri - Itsasu (L) | 2022ko Urriaren 06a

Goizeko-Txirrindiraultza - Lan-sail naturala

Goizeko-Txirrindiraultza

Bizikletaren Eguna kari, bizikleta (edo txirrinda) ibilaldi bat antolatua da larunbat huntan, urriaren 8an. Bakoitza bere bizikletarekin etorriko da eta bizikleta taldeak abiatuko dira Errobiko hamaika herrietako Herriko Etxe bakoitzetik, Kanboko San Josepe parkean elkartzeko. Tokian berean animazio desberdinak antolatuak izanen dira, egun osoan haurrentzat berdin helduentzat (11:00-17:00).

Itsasuarrentzat, abiatzea eginen da Herriko Etxeko plazatik (10:30). Baina, atera aitzin, gosaria eskainia izanen da (10.00) goiti Herriko Etxean.

Egun hortan parte hartu nahi dutenek Herriko Etxean eman behar dute izena: 05-59-29-75-36. Aldi berean xehetasun gehiago ere galdegiten ahalko dute.

Lan-sail naturala

Akitania Berriko Natur Guneen Kontserbatorioak lan-sail natural bat antolatzen du, urriaren 15ean, larunbatez (9:30), Itsasun. Hesien zaharberritzea gune zohikatzen inguruan. Hitzordua Itsasuko Herriko Etxeko aparkalekuan. Ura, piknika, kasketak (edo txanoak), euri-jantziak (eguraldiaren arabera), ibilaldietako oinetakoak, eskularruak eraman beharko dira. Izena aitzinera eman behar da: p.cornu@cen-na.org webgunera edo Antenne Pays Basque Landes telefonora deituz: 05 59 70 58 37.

Pap Ndiaye, idekiduraren gizona?

Peio Jorajuria

Pazientzia behar da, pazientzia handia. Bai eta fermutasuna. Eta noizbait zerua argitzen da. Hori zaie gertatu 32 urte huntan kartzelaturik ziren bi euskal presori. Urri erditsu huntan libre izanen dira, baldintzapean bada ere. Azkenean! Beren kondena osoki beterik, haien libratzea hainbeste urteren buruan zuzena zaigu. Presoekin bezala, bertze alor frangotan ere zerua goibel dugu, noizbait halere argituko delako esperantzan. Gogoan ditugu, besteak beste, laborantzako lurren prezio ikaragarriak, Arbonan bezala, duela urtea erakutsitako ihardukitzeak ez baitira aski izan zenbaiten burua zentzatzeko. Etxebizitzaren problematika latza ere hor, tokiko gazteak bereziki egoitzarik prezio onestean ezin aurkituz daudela. Eta nola ez aipa euskararen egoera kaxkarra, berezikiago euskararen irakaskuntzarena, eskola sartze huntan berriz ere azpimarratua izan den bezala.

Irakurri segida

Gurekin harremanetan sar