Gerezi Besta

Joan den igandean iragan da beraz usaiako Gerezi Besta edo kermeza, betiko arrakastarekin. Denbora ere errotik alde zen. Urte "txarra" izanik ere, gerezia izan da... noizbait nunbait gertatu izan zen "ogi ugalketa" bezala... 700 bat bazkaltiar izan dira, egun osoan jendea arras gostura ibili da Atharri ezker paretako inguruetan. Ea ondoko urtea hobea gertatzen den uzta aldetik!

Afari eta gaualdi dantzatua

Itsas'Rock elkarteak bere urte hondarreko besta antolatzen du, ekainaren 10ean, larunbat huntan, Sanoki gelan (19:00), Pourkoipa deitu taldeak animaturik. Dantza gaualdia hasiko da (21:00) DJ Michel-ek animaturik.

Sartzea afaria eta gaualdirako 23 eurotan finkatua da, 10 euro dantza gaualdirako soilik. Izenak aitzinerat emanak izan behar ziren ekainaren 2a barne telefono huntara: 07-82-67-24-88.

San Josep eskolak 60 urte

Eta bai! 60 urte du San Josep eskola pribatua sortu zela! Eta urteburu hau handizki ospatuko da, ekainaren 24an, larunbatez. Hauxe izanen da egitaraua: meza (9:00), Kabalkada (10:00), haurrek prestatu Ikusgarria (11:30) Atharri ezker paretan. Oren batean zintzur bustitzea eta zikiroa (25,00€).

Izenak aitzinerat eman behar dira telefono huntara deituz: 07-82-98-56-64, edo helbide huntara: apel@sanjosepitsasu.com.