Herriz Herri - Senpere (L) | 2018ko Apirilaren 12a
Hitzorduak nahas-mahas
Pintura erakusketa Larreko kultur-gunean apirilaren 14tik 29a arte, arratsaldetan 2etatik 7ak arte.
Pintura erakusketa Larreko kultur-gunean apirilaren 14tik 29a arte, arratsaldetan 2etatik 7ak arte. Gaurko artista Marie Démias-Koch dugu, hunen deiturak lotura egiten du bere anaia Hervé Koch, herriko langileen arduradunarekin. Pintura, marrazki eta estanpak aurkezten ditu, hunen obren deskubritzeko parada pollita eskainia zauku. Artista-sortzaileak beti behar dira sustatu, gauza asko erakusten dutelakoz gure gizarteari. Bertzalde, beti larunbatarekin, egun guzian selauru-huste bat muntatua da Gazteluko aparkalekuan, Senpereko Esku-Baloi elkartearen ekimenez. Hortan ere sal-erosketa bikainak egiten ahalko dira laguntza ekarriz elkarte huni. Odol emaitea iraganen da apirilaren 19an, Karrikako eskola publikoan, goizeko 7:30etatik lekura. Jakinarazia da odol erreserbak apalenean direla, beraz zuen urratsa beharrezkoaren goaitan dira arduradunak.