Baionan egon ondoan Zoe Brayren margoak Nafarroarat buruz abiatu dira, joan den ostiralean estreinaldia iragan da. Abenduaren 8a arte obrak ikusgai izanen dira Elizondoko Arizkunenea kultur etxean, Itzal Aktiboa elkarteak antolatzen du erakusketa. Ikusgai izanen dira aste barnean (18:00-20:00) eta asteburuetan (12:00-14:00 eta 18:30-20:30)....

Joan den astean emanak izan dira Rikardo Arregi kazetaritzari buruzko sariak, Bidarrain kokatua den Kanaldude, internet bidez zabaldua den telebista saristatua izan da Hurbiletik emankizunarentzat. Hurbiltasuna eta tokiko pertsoneri emaiten den lekua, bai eta lan egiteko moldea da saristatua izan. Goresmenak Kanaldudeko laguneri, segi bide beretik!...

Azaroaren 24an, igandez, 750 pertsona bildu dira Urruñako polikiroldegian Urruñako ikastola eta Ziburuko Piarres Larzabal kolegioaren alde! Lehen parte batean, gure ikasleen kontzertua txalotzekoa da, baita ere Fred eta Thomas, haien musikariak. Eñaut Elorrieta eta bere musikariek ere kalitateko kontzertua eskaini daukute, zinez mila esker! Aterpe azpian, burasoak lan eta lan ibiltzen ziren bitartean, kolegioko 4.eko ikasle batzuk ere bixkotx salmentan aritu dira haien Salamankako bidaiaren alde! Bestalde, haurren mugimendu guttiago senditu da emanaldi denboran, Pontxen emanaldiaren aitzinean baitziren, zur eta lur egonez, besoak altxatzen, dantzan eta irri eginez. Txalo Pontx eta milesker! Arratsaldea bukatzeko, Kuxkuxtu txarangak du erritmoa eman hor zen jendeari, kantuz eta dantzan, talo bat eskuetan! Txalo bero bat deneri, bereziki buraso antolatzaile eta langileei! Eskerrak Goierriko lagun eta laguntzaile guziei. Ondoko hitzordua...

Jaun ministroa, badakit berrikuntza frango Frantziako hezkuntzari ekarri diozula, hala nola hiru urteko haurren eskolara joaitea; gero aspaldiko metodo silabikoa gomendatzen duzu irakurtzen ikasteko, globala azkenean baztertuz; bestalde, xake jokoa (Jeu d'échecs) eskoletan sarrarazi nahi zinuke, ikasleen adimena eta asmamena azkartzeko arras egokia baita. Ez naiz haatik hain ados zurekilan, herrialdetako mintzairek frantsesaren aprendizgoa trabatzen dutela erraiten duzunean. Hori ez da, duela mende bat inspektorek eta errient zenbaitzuk hedatzen zuten pentsamolde faltsua baizik. Badakizu, segurenik ere nola Euskal Herriko eskola zenbaitetan, korralean euskaraz mintzo zenak xiri bat ukaiten zuela eta jostatzeko orde, behar ziola euskaraz mintzo zen beste bati pasatu. Euskaraz mintzatzea ez zen haizu; ohointza baten idurikoa zitaken frantsesaren kaltetan. Hori arrazakeria deitzen da. Errientek uste zuten, inspektorek erranik, etxen euskaraz ari zen haur batek ez zuela...

2020ko Herriko hauteskundeetan emazte gehiagok haien burua aurkez dezaten, topaketak antolatuak izan dira Hazparnen, "Eta ni ere hautagai banitz?" titulu pean. EBA (Egiazki Berdintasunaren Alde) mugimenduak zuen bilkura antolatua, Euskal Elkagoaren sustenguarekin. Topaketaren helburua zen hautetsi diren emazteek beren esperientziaren berri eman zezaten, zenbaitzuk herriko kontseiluan gehiengoan dira, beste batzuk oposizioan. Gaualdi hortan ez zen hautetsi emazte horien etiketa politikoa agertzen, baina bai nola bizi duten emazte bezala ardura hori eta beren egunerokotasunean zer ondorio duen. Gaualdi hori biziki aberatsa bazen, erraiten ahal da akats bat bazegoela, herri ttipietako emazte ordezkaririk ez zelakoz, antolatzaileen erranetan xerkatu dute, baina ez dute atzeman. Hor zirenak herri gottorretakoak ziren: Mugerre, Lehuntze, Getaria eta Bardozeko gehiengoan diren 4 emazte, Donibane Garazi eta Kanboko oposizioko 2 hautetsi. Horietan ez dute...