Telethona Urtero bezala, eritasun arraroen sendaketa ikerketak laguntzeko egina den gertakari hori iraganen da aurten ere abenduaren 6, 7 eta 8an. Elkarte anitzek zernahi aktibitate proposatzen dituzte. Gehienak hemen lerrokatuko ditugu, bakotxak nahi duena hautatzeko gisan. - Abenduaren 6an, ostiralez eta biharamunean ere, eskoletako haurrek laster eginen dute Xapitalia kirol zelaian. Egun hortan berean, Ortzia elkartearen erakusketa bat ikusten ahalko da Choribit gelan. Astirian, tenore berean (19:00) Soinubilako familien kontzertua eginen da Emile Lavigne gelan eta Zumba Mendealan. - Abenduaren 7an, larunbatean, taloak, bixkotxak, arno beroa eta goxokiak salduko dira merkatuko plazan. Ibilaldiak proposatuko dira motoz eta ere suhiltzaileen kamioian. Suaren etxea eta amuarrain arrantza egiten ahalko da. Entsenian ball trap eta ondotik bazkaria. - Abenduaren 8an, igandez, departamenduko "cross"-a, Armand David lizeoak antolaturik eta VTT ibilaldia (28km) Urkoin; izen emaiteak 8:00etarik goiti eginen dira. - Abenduaren 12an, ostegunean, adinekoak bilduko dira HAC-eko egoitzan Telethonaren alde eginen den bazkari batean. Aipatu guzietan parte hartzen ez duenak bere emaitza uzten ahalko du saltegietan, suhiltzaileeri, Choribit gelan edo Turismo bulegoan. Erakusketa Abenduaren 9tik 14ra, Josiane Ospital andereak bere obrak erakutsiko ditu Choribit gelan urtero egiten duen bezala. Aurten tinduak bainan ere zaia artistikoak egin ditu. Erakusketa zabalik izanen da (9:00-19:00). Artearen historia: abenduaren 11n Haritz Barne gelan (18:30) Natibitatea: artea izaiaren az- pian... "Errege magoek, Galilean, artizarra begiz segitzen zuten bezala..." "Antzinaroan eta Erromatarren garaian ospatzen ziren jadanik abenduan, Saturnoen pestak eta karia hortara opariak eskaintzen. Hala ere giristinotasunak zuen finkatu erritual hori Natibitatearen ospakizunarekin. Elizatiarren galdeeri erantzuteko, artistek naturalki gertakari nagusi hori hartu dute animaleko obra kantitatea sortzeko. Deboziozko irudia edo politikoa, intimoa edo hedadura handikoa, "familia hurbiletik auzoko artzainetara... beha diezaiogun milaka gutun artistiko dituen Natibitateko haur horri!" Horra zer dion, besteak beste, gomita paperak. Dena den ahalaz joan behar da konferentzia hortara, Jean Philippe Mercé jakitate handiko hizlari aparta delako. Urririk izanen da. Hazparneko F. Dardan parropia Abendu huntan, Sokorri Katolikoaren sustenguarekin, Hazparneko parropiak garbitzeko produktuen bilketa bat eginen du. Bilketa hori Baionan diren migratzaileen alde egina da. Behar diren produktuak hauexek dira: gorputz eta ilen garbitzekoak, hortzetako broza eta pasta, usain onak, xukatzeko oihalak eta paperezko mokanesak. Gaur egun migranteak beti heltzen ari dira, kasik 100 bat badira egunero Diakité aterbean, horietarik 15 bat gaztetxoak direla. Bilketa abenduaren 2tik 15a arte iraganen da. Meza guzien ondotik, emaitzak uzten ahalko dira eliza zolan izanen diren kartoietan. Hazparnen, emaitzak uzten ahalko dira "Atherbe ona" parropiako etxean (15:30-18:30), astelehen, astearte, ostegun eta ostiraletan. Beskoitzen, emaitzak parropiako gelan bilduko dira. Bestalde katiximako haurren burasoek, beren emaitzak igortzen ahalko dituzte beren haurrarekin, katixima egileak bilduko ditu.