Pilota: Joan den azaroaren 23an, Irisartarrak Pilota elkarteko bi parek palantxan, Euskal Ligaren finalak jokatu dituzte, Senpereko Gantxiki trinketean. Maleruski, biek galdu dute. Lehenik, xitoetan Kleina Oxandabaratz- Xana Labat-ek 1-2 galdu Urruñarrak-en kontra. Ondotik, gazteetan Maitena Mollon-Maia Muscarditzek galdu dute 0-2 Itsasuarrak-en parean. Halere gure pilotarientzat sasoia ez da arras bukatua, zeren beste 3 parerekin, Frantziako txapelgoan segitzen baitute. Esku huska: hor ere, gauzak aitzinatzen ari dira eta gure 2. maileko Etcheto- Dufau, alegia deus, finalerdietan ditugu. Joan den aste hondarrean, Armendaritzeko trinketean, finalaurdenetan, David eta Nicolas nagusitu ziren Amikuze garaituz, 40-27, partida seriosa egin ondoan. Orain, finalerdietan dira Eskulariko Dufourcq- Azcona dituzte parean izanen. Pilotaren eguna Gure Irisarriko Herria trinketean, heldu den abenduaren 15ean, finalen eguna dukegu, Euskal Herriko Ligako artekoen eta lehen mailako finalekin. Lehenik (16:00), artekoen finala: Urruñarrak / Atzarri, ondotik lehen mailakoa: Endaiarrak / Atzarri. Oraindanik, atxik gogoan, egun hori eta jin saldoan! MO Ospitalean mintzaldia Kepa Altonaga erakasle eta ikerlaria etorriko da abenduaren 14an, larunbatarekin (10:30), "Etxepare, Aldudeko medikua" aipatzera. Solasaldi hori publiko zabalari idekia izanen da: nahi duenak jakin nor izan zen Aldudeko Etxepare medikua, nolako ekarpenak egin zizkion euskarari eta euskal literaturari, zatozte gustuan. Ekitaldia osoki euskaraz izanen da (itzulpena frantsesez segurtatua), sartzea kitorik. Xehetasun gehiagoren ukaiteko, deitu: 05 59 37 97 23.