Heriotze À¢'€'" Gure Gustura etxeko Fanny Arrabit, sortzez Etchebeste, zendu da joan den astean. 91 urte zituen. Senarra, Batita Letxero, galdua zuen duela 25 urte. Hiru seme-alaben ama zen eta bazituen sei arrahaur eta zortzi arrahaur ttipi. 45 urtez egon zen Herriko Etxeko idazkari, herritarren zerbitzu osorako. Ikaragarriko memorioa bazuen eta erraiten da herritar guzien sortegunaz oroitzen zela. Bi urte huntan Donibane Garaziko Toki Eder xaharretxera erretiratua zen. Ehorzketak joan den ostegun arratsaldean iragan dira. Elizkizun kartsua, bururatzean arrahaurrek kondatzen zaukute- la nolako amatxi maitagarria zen eta muslari suharra. Bernadette, Michel, Christiane seme-alabek eta hauen familiek bai eta jendaki guziak har ditzatela gure doluzko agurrik zintzoenak. Sehaska huste À¢'€'" Herriko eskolak sehaska hustea antolatzen du igandean, abenduaren 8an, herriko gela berotuan. Aurkituko dira haurrentzat egokiak diren arropa, jostagailu, liburu eta bertze. Izanen da ere egun osoan jatekoa eta edatekoa. Ateak idekiak izanen dira 9:00etatik 17:00ak arte. Eguberri hurbiltzen ari-eta, parada pollita ororentzat. Guzieri ongi-etorri.